June 06, 2010

ஃப்ரெஞ்ச் ஓபன் 2010 ஒரு பார்வை


டென்னிஸ் உலகில் ரஃபா, களிமண் தரை மைதானங்களின் மன்னன் (king of clay court) என செல்லமாக அழைக்கப்படும் ரஃபேல் நடால் ஐந்தாவது முறையாக களிமண் தரையில் ப்ரெஞ் ஓபன் பட்டத்தை வென்றிருக்கிறார்.இந்த வெற்றியோடு ஃபெடரரை பின்னுக்குத் தள்ளி ஏ.டி.பி தரவரிசையில் முதலிடத்தையும் பெற்று விட்டார்.

இந்த முறை முன்னணி வீரர்களான ஃபெடரர், ஜோக்கோவிச், ஆன்டி முர்ரே ஆகியோர் அரையிறுதிக்கு முன்னரே வெளியேறியது நடாலுக்கு மேலும் வாய்ப்பாகிப் போனது.

நடால் ஃப்ரெஞ்ச் ஓபனின் தனது அறிமுக சீசனாகிய 2005 முதல் 2008 வரை தொடர்ச்சியாக நான்கு முறை பட்டத்தை வென்றவர்.

சென்ற வருடம் (2009) ஃபெடரரிடம் முதல் முறையாக ப்ரெஞ்ச் ஓபன் பட்டத்தை நடால் பறிகொடுத்ததை பலரும் மறந்திருக்க முடியாது. 2009 ல் காலிறுதிக்கு முந்தைய சுற்றில் ஸ்வீடனின் ராபின் சோடர்லிங்கிடம் தோற்றுப்போனார்.

இந்த வருடத்தைப் போன்று கடந்த வருடமும் இறுதிப்போட்டி வரை ராபின் முன்னேறினார். இந்த வருடமும் இறுதிப்போட்டியில் ராபின் தோற்றுப்போனது நிச்சயம் அவரை ஏமாற்றமடையச் செய்திருக்கும்.

நடால் ஜூன் 3ஆம் தியதி பிறந்தவர் என்பது கூடுதல் தகவல். மஞ்சத்துண்டுக்காரர் பிறந்தநாளும் அன்று தான் என்று நான் சொல்லித் தான் தெரிய வேண்டுமா என்ன!!

பெண்கள் ஆட்டத்தை பொறுத்தவரையில் ஹெனின்,ஷரப்போவா,வில்லியம்ஸ் சகோதரிகள் ஆரம்பத்திலேயே வெளியேறியது Francesca Schiavone க்கு வசதியாகிப்போனது. இத்தாலியர் ஒருவர் முதன்முறையாக கிராண்ட்ஸ்லாம் பட்டம் வெல்லுவதும் இது தான் முதன்முறையாம்.


சானியா மிர்சா கல்யாணம் பண்ணிகிட்டதோடு ஆள காணோம். அம்மணி பாகிஸ்தானுக்காக பெண்கள் கிரிக்கெட் எதும் ஆட பயிற்சி எடுக்கிறாகளோ என்னமோ!!

2009 ல் பட்டம் வென்ற இந்தியாவின் லியாண்டர் பயஸ் - லூக்கஸ்(செக் குடியரசு) இணை இந்த வருடம் இறுதிப்போட்டியில் தோல்வியடைந்து இரண்டாம் இடத்தோடு சமாதானப்பட்டுக் கொண்டது.

இதுவரை ரஃபேல் நடால் ஃப்ரெஞ்ச் ஓபன் போட்டிகளில் 38-1 என்ற கணக்கில் வெற்றி ஈட்டியிருக்கிறார். ஒரே ஒரு போட்டி மட்டுமே தோற்றிருக்கிறார்.

புகைப்படங்கள் நன்றி: rolland garros; விக்கி

2 comments:

Chitra said...

இதுவரை ரஃபேல் நடால் ஃப்ரெஞ்ச் ஓபன் போட்டிகளில் 38-1 என்ற கணக்கில் வெற்றி ஈட்டியிருக்கிறார். ஒரே ஒரு போட்டி மட்டுமே தோற்றிருக்கிறார்.

...... super! :-)

எட்வின் said...

@ Chitra

வந்திட்டீங்களா லீவு முடிஞ்சு... welcome back.

Post a Comment

Related Posts with Thumbnails