சில நேரங்களில் சில மனிதர்கள்

சில நேரங்களில் சில மனிதர்கள்

இன்றைய உலகம்
இமாலய உயர முன்னேன்றங்களை கண்டிருப்பினும்
இமைப்பொழுது கூட மற்றவர்களுக்கு கரிசனை காட்டா அளவிற்கு
முடுக்கி விடப்பட்ட வாழ்க்கை முறையை
முயன்று கொண்டிருக்கிறது;தனக்குள்
முனங்கி கொண்டிருக்கின்றது
அணுகி வினவுவோமானால்
அவ்விதமிருக்க யாரும் விரும்புவதில்லை அடுத்திருப்போர்; அவர்களுடுத்துள்ள சூழ்நிலை;
இவை தான் அவர்களை அவ்விதம் மாற்றியிருக்கிறது
பணத்திற்காக இன்று பாசம்;வெளி வேஷமாகி
பலரது உயிரை காவு வாங்குகின்றது பரிதாபத்திற்குரியது
பணம்;பகல் போன்ற வாழ்விலே
பாசத்தை மறைக்கும் இருளாகி விட்டது.
பந்தங்கள்;பணத்திற்காக
பகல் வேஷமாய்
பகட்டு நாடகமாகின்றன
இங்கு சிலர் வாழ்வோ பகலும் கூட;வெளிச்சமின்றி
இரவாய் கடந்து கொண்டிருக்கின்றது
இவ்விதம் வாழ்க்கை முறையினை இயற்றியவர் யார்;
இருபது ஆண்டுகளுக்கு முன்
இந்நிலை இல்லையே
எங்கு நோக்கினும் குண்டு வெடிப்புகள்
முன் எப்போதுமிலாத அளவுக்கு முரண்பாடுகள்;சமூகத்தினரிடையே
ஆனால் ஏன் இவைகள்;
காரணம் வேறு யாருமிலர்
நாமே தான்;
நமது சமூக அமைப்பு தான்;
நமது எதிர்பார்ப்புகள் தான்;
எதிபார்ப்புகள் ஏமாற்றமாகும் பொழுது
விரக்தியடைகிறோம்;
பிறரால் ஏவப்பட்டு;
ஏவி விடப்பட்டு சமூகத்தை சீர்குலைக்கிறோம்
...மட்டுமின்றி,
இந்திய சமூகத்தில் ஏற்றத் தாழ்வுகள் இருக்கும் வரை
அரசியல் வாதிகளின்;சந்தர்ப்பவாத;சாக்கடை-
அரசியல் இருக்கும் வரை
பிரித்தாளும் கொள்கை இருக்கும் வரை
சமய/மார்க்க நல்லிணக்கம் இல்லாத வரை
பிரிவினைகள் இருக்கும் வரை
சமாதானத்திற்குக் வாய்ப்பே இல்லை
என் இந்திய திருநாட்டில்;
எத்தனை மதங்கள்; எத்தனை மார்க்கங்கள்;
எத்தனை கட்சிகள்; எத்தனை கொள்கைகள்;
எத்தனை சங்கங்கள்&; எத்தனை சம்பிரதாயங்கள்;
இவையனைத்தும் ஒன்று சேரும் வரை
இந்திய தேசத்தில் குண்டுவெடிப்புகளும் அவலங்களும்
கொலைகளும் கொடூரங்களும் தொடர்ந்து கொண்டு தான் இருக்கும்; அதுவரை இந்திய மண்ணில் சமாதானம் என்பது இல்லை.
அனைவரையும் ஒரேயடியாகக் குறை கூறுவதற்குமில்லை;
அதைத்தான் ஆரம்பத்தில் கூறினேன்...