சட்டில இருந்தா தான அசலான சுறா வரும்!!

நடிகர்! விஜய் அவர்களின் சுறா திரைப்படம் வரும் முன்னரே விமர்சனம் குவிந்தது என்றால்(இது யாருக்கும் உள்குத்து இல்லீங்கோ) திரைப்படம் வெளிவந்த பின்னர் திரைப்படத்தையும், விஜயையும், இயக்குனரையும் வாங்காதவர்களே இல்லை.விஜயின் அடுத்த படமான காவல்காரன் வரை விமர்சனம் வந்திருச்சாம்ல, மெய்யாலுமா!!!

'சுறா'வ தாக்கினதுல இயக்குனர் ஊரயே காலி பண்ணி போய்ட்டதா வேற புரளிய கிளப்புறாங்க. விஜய் ரசிகர்கள் அவர் மேல ரொம்பவே பாசமா இருக்காய்ங்க போல. இல்லன்னா இயக்குனர இப்பிடி குறி வைப்பாகளா என்ன!!

கதய கேட்டுப்புட்டு தான நடிகரும் ஒத்துக்கிட்டு இருப்பாரு. இயக்குனர் என்ன செய்வாரு. நடிகரையும் குறை சொல்றதுக்கில்ல அவருக்கு இஷ்டப்பட்டு தான் ஒத்துக்கிட்டு இருப்பாரு படத்துக்கு.

கேவலமாக விமர்சிக்கப்பட்ட சுறா உள்ளிட்ட அவரது அனைத்து திரைப்படங்களிலும் அவரால முடிஞ்சத அவர் விருப்பப்பட்டு செஞ்சிருக்காரு. ஆனா நம்ம ஒண்ண மனசில நெனச்சிக்கிட்டு அது அவர் படங்கள்ல இல்லன்னா என்ன பண்றது! நம்ம நெனக்கிறது இல்லன்னு கோபப்பட்டா எப்பிடி... சட்டில என்ன இருக்கோ அது தான அகப்பைல வரும். பாவம் அவர விட்டுருங்க.

அரசியலுக்கு வரணும் நெனச்சாச்சு, இனி எப்பிடி படம் எடுத்தா என்னன்னு அவர் அண்ணன் விஜயகாந்த் மாதிரி கூட விஜய் நெனச்சிருக்கக்க்கூடும்! ஆனா பாவம் இரண்டு பேருக்கும் அரசியல், சினிமா இரண்டிலும் நேரம் சரியில்ல போல இருக்கு... ம்ம்ம்

---------

அசல் படத்தின் சில காட்சியமைப்புகளும், கதைச் சாயலும் 2004 ல் வெளிவந்த இந்தி திரைப்படமான முசாஃபிர்(Musafir) ல் அமைக்கப்பட்டது போன்று இருக்கிறது என சில நண்பர்கள் சொல்ல கேள்விப்பட்டேன். நேற்றைக்குத் தான் Musafir பார்க்க முடிந்தது. கதை அப்படியே அசல் போல் இல்லையென்றாலும், காட்சியமைப்புகள் அசலோடு ஒன்றிப்போவதை மறுப்பதிற்கில்லை

பிரான்ஸின் போலீஸாக வரும் மொட்டை சுரேஷ், அஜீத்தின் சுருட்டு, கடத்தல் கும்பல், சமீரா ரெட்டி என பலதும் அசல் போலவே Musafir லும் உண்டு. Musafir ல் அனில்கபூர், சஞ்சய்தத், சமீரா ரெட்டி நடித்திருக்கிறார்கள்.

அஜீத்-சரண்-யூகி சேது கூட்டணியின் கதைக்கும் Musafirன் கதைக்கும் எதாவது சம்பந்தமா! இல்லை... தற்செயலாக அமைந்ததா? தெரியவில்லை!!Musafir கூட Sean Penn, Jennifer Lopez நடித்த ஹாலிவுட் திரைப்படமான U Turn என்பதன் remake என்பது மற்றொரு சுவாரஸ்யம்.

மொத்தத்தில தமிழ் சினிமா உலகில் சிலரோட சட்டில எதுவுமே இல்ல போல இருக்கு!!!

Musafir ன் Climax

ஆஸ்கர் நாயகன் ரஹ்மான் மீண்டும் ஆஸ்கரில்

இசைப்புயல் ரஹ்மான் அவர்களுக்கு 2009ல் 'ஸ்லம்டாக் மில்லினியர்' திரைப்படத்தின் இசைக்காகவும் அந்த திரைப்படத்தில் இடம்பெற்ற 'ஜெய்ஹோ' பாடலுக்காகவும் இரண்டு ஆஸ்கர் கிடைத்தது உலகத் தமிழர்கள் அனைவரும் அறிந்ததே.

அதன் பின்னர் ரஹ்மானிற்கு நேரடியாக வாய்ப்பு கிடைத்த முதல் ஹாலிவுட் திரைப்படம் Couples Retreat என்ற குடும்ப நகைச்சுவைத் திரைப்படம்.

இந்த திரைப்படத்தில் இடம் பெற்றுள்ள Na...Na என்ற பாடல் இந்த வருட 82ஆவது ஆஸ்கருக்காக சிறந்த பாடலுக்கான பிரிவில் பரிந்துரைக்காக போட்டியிடுகிறது. (பரிந்துரைக்காக மட்டுமே போட்டியிடுகிறது; இன்னமும் பரிந்துரைக்கப்படவில்லை)

பரிந்துரைகள் பிப்ரவரி 2 ஆம் தேதி முடிவு செய்யப்பட உள்ளன. அதற்காக 63 பாடல்கள் போட்டியிடுகின்றன.

இந்த பாடலை (Blaaze மற்றும் Vivian Chaix உடன் இணைந்து) இசைப்புயலே எழுதியிருப்பதும் ரஹ்மானின் ஆறு வயது மகன் 'ஏ.ஆர்.அமீன்'(பல தளங்களில் அலீம் என குறிப்பிட்டு குழப்புகிறார்கள்;அலீம் அல்ல அமீன் என தான் கருதுகிறேன்)பாடியிருப்பதும் மேலும் சிறப்பு. இதே திரைப்படத்தில் இடம் பெற்றுள்ள 'குறு குறு கண்களிலே' என்ற தமிழ் பாடலையும் ரஹ்மானே எழுதியிருக்கிறார் என்பதும் குறிப்பிடத்தக்கது

Na...Na பாடலை Blaaze, Vivian Chaix, A. R. Ameen, Clinton Cerejo & Dominic Cerejo ஆகியோர் பாடியிருக்கிறார்கள்.

82 ஆவது ஆஸ்கருக்கான பரிந்துரைகள் அறிவிக்கப்படும் (பிப்ரவரி 2)முன்னரே கிராமி விருதுகள்  (ஜனவரி 31) அறிவிக்கப்பட்டு விடும். ரஹ்மான் ஸ்லம்டாக் மில்லினியருக்காக இரண்டு பிரிவுகளில் கிராமி விருதிற்கும் பரிந்துரை செய்யப்பட்டு இருக்கிறார்.

ரஹ்மான் காட்டில மழை தான் போங்க.

Na Na


குறு குறு கண்களிலே
எனை அவள் வென்றாளே

இதோ இதோ
அவள் எனை பதம் பார்க்கிறாள்

சிறு சிறு வெண்ணிலவே
என் துணை ஆவாளோ

சிறு சிறு வெண்ணிலவே
என் பசி தீர்ப்பாளோ

இதோ இதோ
அவள் எனை பதம் பார்க்கிறாள்

குறு குறு கண்களிலே
 
நன்றி: விக்கி ஆஸ்கர்ஸ் கலாட்டா

2012 ம் 200 ஆவது பதிவும்!

200 ஆவது பதிவு பேரழிவைக்குறித்து இருக்கும் என சற்றும் எதிர்பார்க்கவில்லை.... இருக்கட்டும் இருக்கட்டும்.

மாயன் நாட்காட்டி, 2012 ல் உலகம் அழிவு, நாசா விஞ்ஞானிகளின் மறுப்பு என பல வருடங்களாகவே புகைந்து வரும் உலகம் அழிவதைக் குறித்த குறிப்புகள் கொண்ட மாயன் கலாச்சாரத்தின் மையக்கருத்தை கொண்டு Independence Day(1996), The Day After Tomorrow(2004) போன்ற அழிவைக் குறித்த திரைப்படங்களால் மிரட்டிய இயக்குனர் ரோலண்ட் எம்மெரிக் 2012 என்ற திரைப்படத்தை எடுத்திருக்கிறார்.

Y2k விவாதங்கள் உட்பட இதற்கு முன்னரும் பலராலும் பலமுறை இன்ன நாளில் உலகம் அழியப்போகிறது என முன்குறிக்கப்பட்டாலும் எந்த கருத்துக்களும் மெய்யாகவில்லை.

2012 திரைப்படத்தில் சினிமாத்தனங்கள் இருந்தாலும்,தொழில்நுட்பத்தின் உதவியுடன் (Graphics) 2012 வருடத்தின் போது தொடர்ச்சியாக உலகம் முழுவதும் ஏற்பட போவதாக எடுக்கப்பட்டிருக்கும் ஆழிப்பேரலை(சுனாமி), நிலநடுக்கங்கள், நோவாவின் பேழை போன்ற மிகப்பெரிய கப்பல்கள், எரிமலை சீற்றங்கள் என பிரம்மாண்டங்கள் வியக்கவைக்கின்றன.

திரைப்படத்தில் உலகின் ஒவ்வொரு பகுதிகளும் ஒன்று மாறி ஒன்று நிலைகுலையும் போது நமது ஈரக்குலையும் நடுங்கத்தான் செய்கிறது.

இத்தனை பிரம்மாண்டங்களைக் கொண்டுள்ள இத்திரைப்படத்திற்கான செலவு 1400 கோடியாம்!!!

இந்த பேரழிவிலிருந்து தெரிந்தெடுக்கப்பட்ட சிலரை மட்டும் பாதுகாப்பதற்காக உருவாக்கப்படும் மிகப்பெரிய கப்பல்கள் வடிவமைக்கப்படுவதற்கு இந்தியர் ஒருவர் காரணமாவதாகவும், சீனாவில் அவை வைக்கப்பட்டிருப்பதாகவும் கதை அமைக்கப்பட்டிருப்பது வருங்காலத்தில்(இப்போ மட்டும் என்னவாம்!) மேற்கத்திய நாடுகளின் ஆதிக்கத்தை ஆசிய நாடுகள் தகர்க்கும் என்பதற்காக அமைக்கப்பட்டதா என தெரியவில்லை.

எதுவாக இருந்தாலும் இந்த திரைப்படம் அதன் பிரம்மாண்டத்திற்காக ஒருமுறையேனும் பார்க்கப்பட வேண்டிய திரைப்படமே.

தற்போது '2012' திரைப்படத்தைக்குறித்து இணையத்தில் விவாதிக்கப்படாத நிமிடங்கள் இல்லை எனலாம்.

மாயன் நாட்காட்டியைக்குறித்தும் 2012 திரைப்படத்தைக் குறித்தும் விக்னேஷ்வரன் என்பவரால் இணையத்தில் எழுதப்பட்டிருக்கும் இடுகைகளை கீழே உள்ள சுட்டி யை சுட்டினால் படிக்கலாம்.

http://vaazkaipayanam.blogspot.com/2009/11/2012.html

ஸ்லம்டாக் மில்லினியருக்குப் பின்...

ஸ்வரூப் விகாஸ் அவர்களின் கதையில் டேனி போய்ல் இயக்கி 8ஆஸ்கர் விருதுகளை வென்று பெயரும் புகழும் அடைந்திருக்கும் ஸ்லம் டாக் மில்லினியர் திரைப்படத்திற்கு ஆரம்பத்தில் சரியான அறிமுகம் கூட கிடைக்கவில்லை.

விநியோகிப்பாளர்களான ‘வார்னர் பிரதர்ஸ்’ ஸ்லம் டாக் மில்லினியரை திரை அரங்குகளில் வெளியிடுவதால் லாபம் ஈட்டும் என்ற நம்பிக்கையே வைக்கவில்லையாம்.அமெரிக்க திரை அரங்குகளில் வெளியிடாமல் நேரடியாக DVDஆக வெளியிடலாம் எனவும் முதலில் யோசித்திருக்கிறார்கள்.

பின்னர் செப்டம்பர் 2008, கனடாவில் people's choice விருதில் ஆரம்பித்த ஸ்லம்டாக் மில்லியனிரின் புகழ் திரைப்படத்தை மட்டுமல்லாது இதில் பணியாற்றிய ஒவ்வொரு கலைஞரையும் இன்று மேலும் மேலும் உயரங்களை எட்டச் செய்திருக்கிறது.

திரைப்படத்தில் குரோர்பதி நிகழ்ச்சி நடத்துபவராக நடித்த அனில் கபூர் தற்பொழுது அமெரிக்கா முழுவதும் பிரபலமாகியிருக்கிறார்.அதன் உச்ச கட்டமாக அமெரிக்காவில் எம்மி,கிராமி விருதுகளை வென்ற ஃபாக்ஸ் சானலின் பிரபல தொலைக்காட்சி நிகழ்ச்சியான '24'ல் முக்கியமான வேடம் ஒன்றில் நடிக்க ஒப்பந்தம் செய்யப்பட்டுள்ளார்.

இசைப்புயல் ரஹ்மானுக்கும்,ரசூல் பூக்குட்டிக்கும் ஹாலிவுட்டில் இருந்து பல வாய்ப்புகள் வந்த வண்ணம் இருப்பதாக கேள்விப்பட நேரிடுகிறது.

(இது பழைய புகைப்படம்)

'ஜெய் ஹோ' பாடலை Pussycat Dolls என்ற ஆங்கில பாப் குழு you are my destiny என்று ஆங்கிலத்திலும் மாற்றி ஆஸ்கர் விழாவின் மறுநாள் வெளியிட்டது.ஆஸ்கர் விருது பெற்ற அடுத்த நாளே அமெரிக்காவின் பிரபல தொலைக்காட்சி நிகழ்ச்சியான 'ஓப்ரா' விலும் ரஹ்மான் ஜெய் ஹோ பாடலை நடனக்குழுவினருடன் நிகழ்த்தினார்.

ஹாலிவுட்டின் பார்வை பாலிவுட்டின் மீதும் கோடம்பாக்கத்தின் மீதும் வெகுவாக திரும்பியிருப்பது மகிழ்ச்சியளிக்கும் விஷயம்.அமீர் கானுடன் இணைந்து ஒரு திரைப்படம் செய்ய இருக்கிறார் என்றும் வதந்திகள் கிளம்பியுள்ளன. அமீர்கானின் 'Taare Zameen Par' பார்த்து விட்டு அருமை என புகழ்ந்திருக்கிறார் டேனி.

படப்பிடிப்பு நடத்தப்பட்ட மும்பை சேரிப் பகுதியை சீர்ப்படுத்தும் விதம் 900,000 அமெரிக்க டாலர்கள் ஒதுக்கப்பட்டுள்ளதாக ஸ்லம்டாக் மில்லினியரின் தயாரிப்பாளர்கள் அறிவித்திருக்கின்றனர்;

மும்பை சேரிப்பகுதி மூலம் நாங்கள் பெற்ற புகழுக்கு நன்றி தெரிவிக்கும் விதம் அந்த பகுதியின் குழந்தைகளின் உண்மையான வாழ்வில் முன்னேற்றத்தை கொண்டுவருவதே சரியாகும் என இயக்குனர் டேனி போய்லும் தெரிவித்திருக்கிறார்.

இந்த திரைப்படம் மூலம் தான் பெற்ற ஊதியம் முழுவதையும் அனில்கபூர் சேரியின் முன்னேற்றத்திற்காக கொடுத்திருப்பதும் பாராட்டப்படத் தக்கது.

திரைப்படத்தில் நடித்த ருபினாவிற்கும்,அசாருதீனுக்கும் உதவி செய்யும் வகையில் ஜெய்ஹோ டிரஸ்ட் என்ற பெயரில் ஒரு அமைப்பையும் உருவாக்கி பண உதவிகள் செய்து வருகின்றது ஸ்லம்டாக் திரைப்படக்குழு.

நாயகியான ஃப்ரீடா பின்டோ இன்று பல ஹாலிவுட் திரைப்படங்களுக்கும் ஒப்பந்தமாகியிருப்பதோடு காதலிலும் விழுந்திருக்கிறார்.உடன் நடித்த தேவ் படேலும் இவரும் நெருங்கி பழகி வருவதாக ஆரம்பத்தில் வந்த செய்திகளை இருவரும் மறுத்தாலும் தற்பொழுது ஒப்புக் கொண்டுள்ளனர். .

இந்தியாவின் ஏழ்மையையும்,சேரிகளையும் விற்று பிழைக்கிறார்கள் என்று ஒரு சாரார் இன்னமும் ஸ்லம்டாக் திரைப்படத்தையும்,திரைப்படக் குழுவையும் குறை சொல்லிக் கொண்டிருக்கத் தான் செய்கிறார்கள்.

இதில் நடித்த சிறுமி ருபீனாவை மடோனா உள்ளிட்ட அமெரிக்கர்கள் பலரும்,தத்து எடுக்க தயாராக இருப்பதாகவும்,பணத்திற்காக அவளது தந்தையும் ருபினாவை விற்பதற்கு!! சம்மதம் தெரிவித்திருப்பதாகவும் கடந்த மாதம் பரபரப்பு ஏற்பட்டது.

இப்படியாக ஸ்லம்டாக் மில்லினியர்,சிலரின் பார்வைக்கு பணமாக மட்டுமே தெரிகையில் பலரின் பார்வையில் நல்ல குணமாக தெரிகிறது;ஸ்லம்டாக் மில்லினியர் திரைப்படக்குழு செய்து வரும் நற்பணிகளுக்கு வாழ்த்துக்கள்.

அவர்கள் செலவிடும் பணம் சரியான வழியில் ஏழைக்குழந்தைகளை சென்றடைந்தால் மகிழ்ச்சியே.இந்தியரின் திறமைகளை உலகறிய செய்யக் காரணமாகிய விகாஸ் ஸ்வரூப் அவர்களுக்கும் டேனி போய்ல் உள்ளிட்ட ஸ்லம்டாக் திரைப்படக்குழுவிற்கும் நன்றி.

Grey's Anatomy தொடருக்கு பின்னடைவு

2005 முதல் abc நிறுவனம் தயாரித்து ஒளிபரப்பி வருகின்ற மருத்துவ தொலைக்காட்சி தொடரான Grey's Anatomy ல் Dr.Izzie Stevens கதாபாத்திரத்தில் நடித்த Katherine marie Heigl ம் Dr.George O'Malley கதாபாத்திரத்தில் நடித்த T.R. Knight ம் விடை பெறுகிறார்கள் என தகவல்கள் வெளியாகியுள்ளன.

வளைகுடா நாடுகளில் mbc4 தொலைக்காட்சி சானல் இந்த மருத்துவ தொடரை ஒளிபரப்பி வந்தது. மிக பிரபலமடைந்த இந்த தொடருக்கு ஆர்குட்டிலும் facebook ம் பலத்த வரவேற்பு உள்ளது. அதற்கென தனி Community களும் இருக்கின்றன.

Katherine marie Heigl with T.R. Knight

மருத்துவ பிண்ணனியோடு வாழ்க்கையின் தினசரி பிரச்சினைளையும் அடக்கிய ஒரு அற்புதமான தொடர் Grey's Anatomy. Anatomy=உடல் கூறு என்ற வாக்குக்கேற்ப உடல் கூறை அலசுவதோடு; வாழ்க்கையின் ஒவ்வொரு கூறையும் அலசியதே இதன் வெற்றிக்கு துணை செய்தது எனலாம்.அத் தொடரின் வசனங்கள் பல முறை நம்மையும் கூட தன்னம்பிக்கை பெறச் செய்வது தான் அதன் சிறப்பம்சம்.
வளைகுடாவில் (mbc4 சானல்) அதன் ஒளிபரப்பு ஒரு மாதமாக நிறுத்தப்பட்டிருக்கின்றது குறிப்பிடத்தக்கது.

2006 ல் Screen Actors Guild Award என்ற ஹாலிவுட்டின் உயரிய விருதையும் பெற்றுள்ளது.

Dr.Stevens கதாபாத்திரத்தில் தனது எளிமையான அதோடு சிறப்பான நடிப்பால் ரசிகர்களை கவர்ந்த Katherine marie Heigl 2007 ல் சிறந்த நடிகைக்கான அமெரிக்காவின் Emmy விருதை வென்றார். Knocked up, 27 Dresses போன்ற ஆங்கில திரைப்படங்களில் நடித்து புகழ் பெற்ற இவர் தற்பொழுது Ugly Truth என்ற திரைப்படத்தில் நடித்து வருவதாலேயே தொலைக்காட்சியிலிருந்து விலகிச் செல்வதாக சொல்லப்படுகிறது.

எதுவாயினும் Grey's Anatomy ரசிகர்கள் ஏமாற்றம் அடைவது நிச்சயமே. Grey's Anatomy குறித்த மேலதிக விவரங்களுக்கு http://en.wikipedia.org/wiki/Greys_anatomy

Obstacles are put in your way for a reason to see if what you really want is worth fighting for.... Grey's Anatomy

Katherine Marie Heigl ன் சில புகைப்படங்கள் இங்கே; Youtube video அதன் கீழே

ஆஸி வீரர்கள் கிடக்கிறார்கள் ஆஸ்திரேலியாவைப் பாருங்கள்

மைதானத்தில் ஆஸ்திரேலிய வீரர்களின் கிரிக்கெட் பேசுவதை விட அவர்கள் வாய் பேசுவது தான் அதிகம்.நடந்து முடிந்த டெஸ்ட் கிரிக்கெட் தொடரும் இதற்கு விதிவிலக்கல்ல.

விக்கெட்டிற்கு கீழே இருக்கும் மைக்கின் மூலம் எவரும் கேட்க முடியும் அவர்கள் கூறும் f*** என்ற வார்த்தையை.இதர அணி வீரர்களைக் கீழ்த்தரமாக,கேவலமாக திட்டுவதும்(sledging) அவர்களுக்கு கை வந்த கலை.

இருப்பினும் அவர்கள் நாட்டினர் அனைவரையும் குற்றம் சொல்லிவிடவும் முடியாது, ஆஸ்திரேலியர் இணைந்து ஆஸ்திரேலியரின் புகழ் சொல்லும் "AUSTRALIA" என்ற வீரச்சரித/ இதிகாசத் திரைப்படத்தை (an epic movie)உருவாக்கியிருக்கிறார்கள்.

ஆஸ்கார் விருது பெற்ற நிக்கோல் மேரி கிட்மேன் Nicole Mary Kidman (பிறந்தது அமெரிக்காவில்,ஆனால் ஆஸ்திரேலியர்) மற்றும் Hugh Michael Jackman (ஆஸ்திரேலியர்) நடித்துள்ளார்கள். Baz Luhrmann என்ற ஆஸ்திரேலியரால் இயக்கப்பட்டுள்ளது.

இரண்டாவது உலகப்போரின் போது குண்டுவீசப்பட்ட டார்வின் பகுதியைக் கதைக்களமாகக் கொண்டுள்ளது இந்த திரைப்படம்.சாரா அஸ்லெய் (Sarah Ashley) என்ற ஒரு ஆங்கிலேயப் பெண்மணியின் கவனிப்பிலிருக்கும் பிராணிகள் மந்தையை,அவருடன் உள்ள மந்தை மேய்க்கும் (இவருடன் காதலிலும் விழுகிறார் sarah)ஆஸ்திரேலியர் ஒருவர் எவ்விதம் குண்டு தாக்குதலிலிருந்து பாதுகாப்பான வேறொரு இடத்திற்கு கொண்டு செல்கிறார் என்பது தான் கதை.

இத்திரைப்படம் ஆஸ்திரேலிய-அமெரிக்க உறவைக் குறிப்பிட்டுச் சொல்லும்படியாகவும் உள்ளது.

அதோடு கருப்பு இனத்தைச் சார்ந்த பழங்குடியினரை (12 வயது ஆஸ்திரேலிய பழங்குடி கருப்புச் சிறுவன் Brandon walters) நடித்திருக்கிறான்) எவ்விதம் புறக்கணிக்கிறார்கள் என்பதையும் அலசியிருக்கிறார்கள்

நவம்பர் 26 அன்று வெளியிடப்பட போவதாக வெளியீட்டாளர்களான ஃபாக்ஸ் (20th Century Fox) நிறுவனம் தெரிவித்துள்ளது.

திரைப்படத்தின் முன்னோட்டம் இங்கே youtube வீடியோவாக. கீழே ஆஸ்திரேலியாவின் அருமையான சில புகைப்படங்களையும் இணைத்துள்ளேன்.

Harbour bridge detail with Australian flag. Sydney, New South Wales Darwin's Aerial View, Australia

Yatchs anchored in the outskirts of the city. Sydney, New South Wales

The Sydney Opera House and The Sydney Harbour Bridge

Artificial beach, complete with sand and palm trees. Brisbane, Queensland

Dawn on the Brisbane River. Brisbane, Queensland

Two koalas, Queensland

Opera House, skyline, and Harbor Bridge, Sydney, New South Wales

Mountains covered with rain forest near Cape Tribulation. Queensland

Daintree River ferry crossing. Queensland

Female Kangaroo with joey in pocket. Queensland

Kangaroo Island sunset

12 Apostles, Port Campbell National Park, South Oz

Apollo Bay sunrise on beach, South Oz

Apollo Bay sunrise tree silhouette, South Oz Nicole Kidman with Brandon Walters