கடல் - மூங்கில் தோட்டம் - 2012 ன் பரிசு

2012 ல் நான் மிக அதிகம் கேட்டப் பாடல். கடல் திரைப்பட மூங்கில் தோட்டம் பாடல் தான். கவிப்பேரரசு வைரமுத்து அவர்களின் மனதை தொடும் வரிகளுக்கு அற்புதமான இசையை கோர்த்த ஏ.ஆர்.ரஹ்மான் அவர்களுக்கு நன்றியும் பாராட்டுதல்களும்.

பாடல் வரிகளுடன் காணொளி வடிவில் மூங்கில் தோட்டம் பாடல் இங்கே. 

மூங்கில் தோட்டம்

மூலிக வாசம்

நிறஞ்ச மௌனம்

நீ பாடும் கீதம்

பௌர்ணமி இரவு

பனிவிழும் காடு

ஒத்தயடி பாதை

ஒன் கூட பொடி நட

இது போதும் எனக்கு

இது போதுமே

வேறென்ன வேணும்

நீ போதுமே

கொளத்தாங்கரையில

குளிக்கும் பறவைக

சிறகு ஒலர்த்துமே

துளிக தெரிக்குமே

முன் கோபம் விடுத்து

முந்தானை எடுத்து

நீ மெல்ல துடைக்க

நான் உன்ன அணைக்க

இது போதும் எனக்கு

இது போதுமே

வேறென்ன வேணும்

நீ போதுமே

மரங்கள் நடுங்கும்

மார்கழி இருக்க

இரத்தம் உறையும்

குளிரும் இருக்க

உஷ்ணம் யாசிக்கும்

உடலும் இருக்க

ஒத்த போர்வயில

இருவரும் இருக்க

இது போதும் எனக்கு

இது போதுமே

வேறென்ன வேணும்

நீ போதுமே

ஏ.ஆர்.ரஹ்மான் மீண்டும் கோல்டன் க்ளோபில்

ஸ்லம்டாக் மில்லினியருக்காக ஏற்கெனவே சென்ற வருடம் கோல்டன் க்ளோப் விருதை பெற்ற இசைப்புயல் ஏ.ஆர்.ரஹ்மான் மீண்டும் 2010 வருடத்திற்கான கோல்டன் க்ளோப் விருதிற்காக பரிந்துரைக்கப்பட்டிருக்கிறார்.

ஸ்லம்டாக் மில்லினியரை இயக்கிய டேனி போயலுடன் இணைந்து பணியாற்றிய 127 Hours என்ற திரைப்படத்திற்காகத் தான் இந்த பரிந்துரை என ஊடகங்கள் தெரிவிக்கின்றன. விருதுகள் ஜனவரி 16 அன்று அறிவிக்கப்படவுள்ளன.

ஏற்கெனவே இந்த வருடம் நோபல் விருது வழங்கும் விழாவில் இசையமைத்து மேலும் புகழ் தேடிய ரஹ்மானின் புகழ் உலகின் எல்லா திசைகளிலும் இன்னும் எட்ட வாழ்த்துவோம்.

கானாடுகாத்தான் முதல் கெய்ரோ வரை

நேத்து கே டிவி யில் "கண்டுகொண்டேன் கண்டுகொண்டேன்" படம் பார்த்திட்டு இருந்தேன். சிவகங்கை மாவட்டம் காரைக்குடியில் அதிகம் படமாக்கப்பட்டிருந்ததால் சரி நம்ம தென்தமிழகத்தோட அழக பாத்து ரொம்ப நாளாச்சே என பார்த்து ரசித்துக் கொண்டிருந்தேன்.

க.கொ.க.கொ 2000த்தில் வெளிவந்த போது கல்லூரியில் படித்துக் கொண்டிருந்த நேரமது. கண்டுகொண்டேன் திரைப்படத்தின் படப்பிடிப்பின் போதே திரைப்படம் குறித்து பரபரப்பாக பேசப்பட்ட வந்தது. காரணம் ராஜீவ் மேனன், ஏ.ஆர். ரஹ்மான், மம்முட்டி, ஐஸ்(வர்யா ராய்), தபு, ஷாமிலி என்ற நட்சத்திர பட்டாளத்தினால் தான். 

அப்போது எனது மைத்துனர் காரைக்குடியில் படித்துக் கொண்டிருந்தார். அவர் தான் அடிக்கடி டேய் ஐஸ பாத்தேன், ஷாமிலிய பாத்தேன் அப்படி எடுக்கிறாங்க இப்படி எடுக்கிறாங்கன்னு கடிதம் எழுதிக் கொண்டிருப்பார். தான் தேசிய விருது பெற்ற அஞ்சலி திரைப்படத்திற்கு பிறகு ஷாமிலி நடித்த முதல் படமும் இது தான் என்பதும் இதில் முக்கியமான விஷயம்.

பாரதியார் பாடலான "சுட்டும் விழிச்சுடர்" ரஹ்மானின் இசையில் ஹரிஹரனின் குரலில் அருமையாய் ஒலித்த திரைப்படம் என்பதினாலும் இது முக்கியத்துவம் வாய்ந்தது.

இந்த திரைப்படத்தின் பாடல்கள் வெற்றியடைந்த அளவிற்கு திரைப்படம் வெற்றியடையவில்லை. "எங்கே எனது கவிதை" என்ற பாடல் வைரமுத்து அவர்களின் வரியில் , சித்ரா, ஸ்ரீநிவாசின் குரலில் இன்றும் நான் அதிகம் கேட்கும் பாடல்களில் ஒன்று.

சரி விஷயத்திற்கு வருவோம்... கானாடுகாத்தான் முதல் கெய்ரோ வரைன்னு தலைப்ப வச்சிட்டு விஷயத்த சொல்லலன்னா எப்பிடி. படத்தில் ரயில்வே கேட்டை கடப்பதற்காக நிற்கும் தபுவிடம், அஜீத் காதலை சொல்லிவிட்டு அவரின் பதிலை எதிர்பார்ப்பதாக கதை செல்லும் போது "இல்லை இல்லை சொல்ல ஒரு கணம் போதும்" அப்படின்னு ஒரு பாட்டு வருதுங்க.அந்த பாட்ட அருமையா காரைக்குடியிலயே படமாக்கியிருக்கலாம் இயக்குனர் ராஜீவ்மேனன்.

அதுவரை காரைக்குடியை அருமையாக படமாக்கிய ரவி.கே.சந்திரன் அவர்களின் கேமரா அடுத்த சில நொடிகளில் கெய்ரோவின் பிரமிடுகளின் முன்னர் வைக்கப்படுகிறது. காரைக்குடி, கானாடுகாத்தானிலிருக்கும் ஒருவர் கெய்ரோ வரை கனவு காண்கிறார். இப்படித்தான் இன்று தமிழ் திரைப்படப் பாடல்கள் பலவும் படமாக்கப்படுகின்றன.

கதைக்கும் பாடலுக்கும் துளியும் சம்பந்தம் இல்லாமலோ அல்லது பாடலுக்கும் லொக்கேஷனுக்கும் சம்மந்தம் இல்லாமலோ தான் பாடல்கள் படமாக்கப்படுகின்றன. "சந்தன தென்றலை ஜன்னல்கள் தண்டித்தல் நியாயமா" என எகிப்தின், கெய்ரோவில் பாடினால் சந்தன தென்றல் வராது மண்ணெனும் சூறாவளி தான் வரும்.

இந்த பாடல் ஷங்கர் மஹாதேவனுக்கு தேசியவிருது வாங்கித்தந்த பாடல் என்பது குறிப்பிடத்தக்கது. மறைந்த சுஜாதா ரங்கராஜன் அவர்கள் தான் வசனகர்த்தா என்பதும் இந்த படத்தின் மற்றொரு சிறப்பம்சம்.

எது எப்படியோ இவை போன்ற பாடல்களினால் தமிழர்கள் உலகைக் காண ஒரு வாய்ப்பு கிடைக்கிறது என்பது மறுக்கமுடியாத ஒன்று.

நல்லா எடுக்கிறாய்ங்கய்யா பாட்ட.

விண்ணைத்தாண்டி வருவாயா-JESSIE-நான்

இசை வெளியீட்டின் போதே அதிகம் எதிர்பார்ப்புகளை ஏற்படுத்திய விண்ணைத்தாண்டி வருவாயா திரைப்படம் என்னையும் தீண்டி இருப்பதில் ஆச்சரியமில்லை, அதற்கு காரணங்கள் இல்லாமலுமில்லை. வெளிநாடு ஒன்றில் வெளியிடப்பட்ட முதல் தமிழ் திரைப்பட பாடல்கள் 'விண்ணைத்தாண்டி வருவாயா' விற்காகத் தானிருக்கும்.

ஆஸ்கருக்கு பின்னர் வெளியாகிய ரஹ்மானின் முதல் பாடல்கள் என்பதால் பாடல்களும் அதிகம் வரவேற்பை ஏற்படுத்தியிருந்தன. குறிப்பாக ஹோசன்னா பலரை முணுமுணுக்கச் செய்திருந்தது. ஏனைய பாடல்களும் ரசிக்கும் படியாகவே இருந்தது.பாடல்களைக் குறித்த எனது எண்ணங்களை முந்தைய பதிவான இங்கே படிக்கலாம்.

விண்ணைத்தாண்டி வருவாயா என்பதன் ஆங்கில எழுத்து வடிவம், நான் எதிர்பாராத போல/ஆனால் எப்போதும் எதிர்பார்க்கும் விதம் சரியான ஆங்கில எழுத்துக்களுடன் "VINNAITHAANDI VARUVAAYAA" என இருந்தது ஆச்சரியத்தை எற்படுத்தியிருந்தது. 

இதனை VINNAITHANDI VARUVAYA-"விண்ணை தண்டி வருவய" என கூட எழுதியிருக்கக் கூடும்(அப்படித்தான் அனைத்து திரைப்படத் தலைப்புகளும், பாடல்களும், பலரின் பெயர்களும் கூட எழுதப்பட்டு வருகின்றன. உதாரணம் சூப்பர் ஸ்டாரின் SIVAJI-சிவாஜி, இதனை 'சிவஜி' என்று வாசிப்பதா? இல்லை 'சிவாஜி' என்று வாசிப்பதா?)  

திரைப்படத்தில் நான் கவனித்த மற்றுமொரு விஷயம்... TITLE ஓடும் போது திரைப்பட கலைஞர்களின் பெயர்கள் தமிழில் வந்தால் அவற்றின் பிம்பம் ஆங்கிலத்திலும், ஆங்கில பெயர்களின் பிம்பம் தமிழிலும் வரும்படி வடிவமைக்கப்பட்டது.  இது இயக்குனரின் சிந்தனையா இல்லை வேறு எவரின் சிந்தனையா என்பது தெரியவில்லை. எனினும்... ரசிக்க வைத்தது.

த்ரிஷாவும், சிம்புவும், இயல்பாக நடித்திருப்பதாகத் தான் உணர்ந்தேன். குறிப்பாக த்ரிஷா Jessie கதாபாத்திரத்தில் சிறப்பாகச் செய்திருக்கிறார்.  காதலினால் வரும் வலிகளையும்; காதலை அடைய ஒரு பெண் எத்தனை விதமான தடைகளை தாண்ட வேண்டியிருக்கிறது என்பதை இயக்குனர் சொல்லியிருக்கும் விதம் அருமை. உண்மையும் அதுவே. 

Jessie கதாபாத்திரம் என்னை அதிகம் பாதித்திருப்பதற்கு முக்கியமான வேறொரு காரணம் உண்டு. Jessie என்ற அதே பெயரில் இருக்கும் எனது நண்பி தான் அது.

அவரும் கேரளத்தைச் சார்ந்தவர் தான்; அவருக்கும் திரைப்படம் பிடிக்காது. அவள் பாராட்டின, (பாராட்டிவரும்) நட்புக்கு இணை இன்றுவரை ஏதுமில்லை. அவளது வீட்டிற்கு இருமுறை சென்றிருக்கிறேன். இன்று கூட அவளது பெற்றோர்கள் கனிவாக இருக்கிறார்கள்

ஏனோ...காதலிக்க வேண்டும் என அப்போது(கல்லூரி நாட்களில்) தோன்றவில்லை. Just Friends ஆ இருப்போம் என்ற விண்ணைத்தாண்டி வருவாயாவின் வசனத்திற்கு ஏற்ப இன்றும் நண்பர்களாக இருந்து வருகிறோம்.

விண்ணைத்தாண்டி வருவாயா சிலருக்கு பிடிக்காமல் போயிருக்கிறது. காரணம்... கதாநாயகனும், நாயகியும் ஒன்று சேரவில்லையென்பதே!

எனினும் காதலின் வலியும், அதனை இயக்குனர் சொல்லியிருந்த விதமும், நான் அதிகம் ரசிக்கும் ஆலப்புழையின் அழகும், பின்னணி இசையும், த்ரிஷாவிற்காக ஒலித்த 'சின்மயி'யின் குரலும் எனக்கு பிடித்திருந்தது. ஜீன்ஸ் திரைப்படத்தில் மெல்லிய பின்னணியில் வரும் 'நி ச ரி ச' Humming ற்கு பிறகு ரஹ்மானின் இசையில் நான் அதிகம் மயங்கியது ஹோசன்னா-ஏன் இதயம் உடைத்தாய் Humming ற்குத் தான்.

Get this widget | Track details | eSnips Social DNA

 ஜீன்ஸ்-'நி ச ரி ச'

ஆலப்புழையின் அழகு

இது JESSY எனக்களித்த அவளது கைவண்ணங்கள்

சச்சின் எனும் பெருமைமிகு இந்தியன்

அண்மை காலத்தில் உலக அரங்கில் இந்தியாவின் பெயரை உயரச் செய்தவர்களில் நான் அதிகம் வியந்தது ஏ.ஆர்.ரஹ்மான், சச்சின் மற்றும் லியாண்டரைத் தான்.

இவர்கள் மூவருமே  ஏறக்குறைய ஒரே மாதிரியான உடலமைப்பும், ஒரே மாதிரியான நடவடிக்கைகளும் உடையவர்கள்.ஆர்ப்பாட்டாமோ, அகங்காரமோ இல்லாத அமைதியானவர்கள்.

இந்தியன் என சொல்வதில் மூவருமே அதிகம் மகிழ்ச்சி காண்கிறவர்கள்.

இவர்களில் சச்சின் செய்திருக்கும் சாதனைகளை எளிதில் எண்ணி விட முடியாது. இதோ இன்று பிப்ரவரி 24, 2010 ல் மீண்டும் பல சாதனைகளுக்கு சொந்தக்காரராகியிருக்கிறார். இவரது அனைத்து சாதனைகளையும் தனி ஒரு நபராக எவரேனும் முறியடிக்கவியலுமா என கூட தெரியவில்லை.

ஒருதின போட்டிகளில் இரட்டை சதமடிப்பது அத்தனை எளிதான விஷயமல்லவே. அதுவும் ஒருதின கிரிக்கெட் சரித்திரத்திலேயே முதன்முறையாக இரட்டை சதத்தை அடித்திருப்பது ஒரு இந்தியன் என்பதில் இந்தியருக்கு பெருமை தான்.

இரட்டை சதமடித்த பின் சச்சின் வானை நோக்கி நன்றி கூறியது மறைந்த அவரது தந்தைக்கா இல்லை இறைவனுக்கா என்பது அவருக்கே வெளிச்சம்.

எனினும் ஆட்டநாயகன் விருது பெற்ற பின்னர் அவர் உரைத்த கருத்துக்கள் இந்தியர் அனைவரையும் மீண்டும் பெருமைப்பட செய்த ஒரு விஷயம்.

இரட்டை சதத்தை குறித்து கூற முற்படுகையில், சச்சின் சில வினாடிகள் தாமதித்த போது அவரது தந்தைக்கு சமர்ப்பிப்பார் என நான் கருதினேன் . மாறாக இந்தியர் அனைவருக்கும் சமர்ப்பிப்பதாக கூறியதில் இருந்து அவரது நன்மனதை இந்தியர் புரிந்திருக்கக் கூடும்.

இருபத்தொரு ஆண்டுகள் ஆரோக்கியத்தோடு இத்தனை ஆட்டங்கள் ஆடியதே மிகப்பெரும் சாதனை தான் இந்த சாதனை மன்னன் சச்சினுக்கு.

மன்னர்களுக்கு தான் கவிபாட வேண்டுமா! இதோ கிரிக்கெட் மன்னருக்கு நான் பாடும் சில வார்த்தைகள்!

நீ

உலக அரங்கில்

இந்தியாவின் புகழ்

உயரச் செய்தாய்

இனி

இந்தியா

உன் புகழை

உரக்கச் சொல்லும்

உரிமை கொள்ளும்

கிரிக்கெட் உலகை

உதற சொன்னவர்கள்

உன் கிரிக்கெட் மட்டையின்

பதிலால் - இன்று

பதிலற்று நிற்கிறார்கள்

இந்தியன் என்பதில்

இனிமை காணும் நீ

இன்று போல் என்றும்

(இந்தியனாய்) வாழ்க

"It's the passion of representing INDIA in International Cricket keeps me motivating all the time". இது சச்சின் ஒரு பேட்டியில் சொன்னது.

இசைப்புயல் ரஹ்மானிற்கு கிராமி விருதுகள்

 

ஸ்லம்டாக் மில்லினியர் திரைப்படத்தின் இசைக்காகவும் அந்த திரைப்படத்தில் இடம்பெற்ற ஜெய்ஹோ பாடலுக்காகவும் இசைப்புயல் ஏ.ஆர்.ரஹ்மான் இரண்டு கிராமி விருதுகளை பெற்றிருக்கிறார்.

விவரங்கள் Grammyன் இந்த தளத்தில் http://www.grammy.com/nominees?category=167  

ஆஸ்கருக்காக பரிந்துரை செய்யப்பட்ட போதும் பரிந்துரைக்கப்பட்ட இரண்டு பிரிவிகளிலும் ஆஸ்கர் வென்ற ஆஸ்கர் நாயகன் தற்பொழுதும் இரண்டு பிரிவுகளிலும் இசையுலகின் ஆஸ்கர் என அழைக்கப்படும் கிராமி விருதை வென்று இந்தியர்களையும், தமிழர்களையும் பெருமைப்பட வைத்துள்ளார்.

இரண்டு கிராமி விருதுகளை வென்றுள்ள இசைப்புயலுக்கு வாழ்த்துக்கள்

ஆஸ்கர் நாயகன் ரஹ்மான் மீண்டும் ஆஸ்கரில்

இசைப்புயல் ரஹ்மான் அவர்களுக்கு 2009ல் 'ஸ்லம்டாக் மில்லினியர்' திரைப்படத்தின் இசைக்காகவும் அந்த திரைப்படத்தில் இடம்பெற்ற 'ஜெய்ஹோ' பாடலுக்காகவும் இரண்டு ஆஸ்கர் கிடைத்தது உலகத் தமிழர்கள் அனைவரும் அறிந்ததே.

அதன் பின்னர் ரஹ்மானிற்கு நேரடியாக வாய்ப்பு கிடைத்த முதல் ஹாலிவுட் திரைப்படம் Couples Retreat என்ற குடும்ப நகைச்சுவைத் திரைப்படம்.

இந்த திரைப்படத்தில் இடம் பெற்றுள்ள Na...Na என்ற பாடல் இந்த வருட 82ஆவது ஆஸ்கருக்காக சிறந்த பாடலுக்கான பிரிவில் பரிந்துரைக்காக போட்டியிடுகிறது. (பரிந்துரைக்காக மட்டுமே போட்டியிடுகிறது; இன்னமும் பரிந்துரைக்கப்படவில்லை)

பரிந்துரைகள் பிப்ரவரி 2 ஆம் தேதி முடிவு செய்யப்பட உள்ளன. அதற்காக 63 பாடல்கள் போட்டியிடுகின்றன.

இந்த பாடலை (Blaaze மற்றும் Vivian Chaix உடன் இணைந்து) இசைப்புயலே எழுதியிருப்பதும் ரஹ்மானின் ஆறு வயது மகன் 'ஏ.ஆர்.அமீன்'(பல தளங்களில் அலீம் என குறிப்பிட்டு குழப்புகிறார்கள்;அலீம் அல்ல அமீன் என தான் கருதுகிறேன்)பாடியிருப்பதும் மேலும் சிறப்பு. இதே திரைப்படத்தில் இடம் பெற்றுள்ள 'குறு குறு கண்களிலே' என்ற தமிழ் பாடலையும் ரஹ்மானே எழுதியிருக்கிறார் என்பதும் குறிப்பிடத்தக்கது

Na...Na பாடலை Blaaze, Vivian Chaix, A. R. Ameen, Clinton Cerejo & Dominic Cerejo ஆகியோர் பாடியிருக்கிறார்கள்.

82 ஆவது ஆஸ்கருக்கான பரிந்துரைகள் அறிவிக்கப்படும் (பிப்ரவரி 2)முன்னரே கிராமி விருதுகள்  (ஜனவரி 31) அறிவிக்கப்பட்டு விடும். ரஹ்மான் ஸ்லம்டாக் மில்லினியருக்காக இரண்டு பிரிவுகளில் கிராமி விருதிற்கும் பரிந்துரை செய்யப்பட்டு இருக்கிறார்.

ரஹ்மான் காட்டில மழை தான் போங்க.

Na Na


குறு குறு கண்களிலே
எனை அவள் வென்றாளே

இதோ இதோ
அவள் எனை பதம் பார்க்கிறாள்

சிறு சிறு வெண்ணிலவே
என் துணை ஆவாளோ

சிறு சிறு வெண்ணிலவே
என் பசி தீர்ப்பாளோ

இதோ இதோ
அவள் எனை பதம் பார்க்கிறாள்

குறு குறு கண்களிலே
 
நன்றி: விக்கி ஆஸ்கர்ஸ் கலாட்டா

தமிழ் பாப் பாடல்கள் Vs சினிமா பாடல்கள்

தமிழ் பாப் பாடல்கள் தமிழர்கள் மத்தியில் அதிகம் அறியப்பட்டதாக இல்லை என்று தான் என்னைக்கேட்டால் சொல்வேன்.

ஆனால் ALISHA வின் MADE IN INDIA, Michael Jackson ன் Dangerous, Shakira வின் Hips Don't Lie போன்ற வேற்று மொழி பாப் பாடல்கள் தமிழர்களால் வெகுவாக ரசிக்கப்பட்டும் அறியப்பட்டும் வந்திருக்கிறது என்பேன்.

இவற்றிற்கு காரணம் தமிழ் சினிமாப் பாடல்களின் மீதுள்ள ரசிகர்களின் அதீத கவர்ச்சியும் தமிழ் பாப் இசை தொகுப்புகள்(albums) சரியாக விளம்பரப்படுத்தப்படாமையுமே காரணமாக இருக்கக்கூடும்.

தமிழில் விதிவிலக்காக இசைப்புயல் ஏ.ஆர்.ரஹ்மானின் வந்தே மாதரம் பெரிய அளவில் இன்றும் பேசப்பட்டும், ரசிக்கப்பட்டும் வருவது குறிப்பிடத்தக்கது.

அதற்கு காரணம் அதனை தயாரித்த பரத்பாலா மற்றும் கனிகா செய்த விளம்பரங்களே என்பது மறுக்கமுடியாத உண்மை. அதோடு தேசம் சம்பத்தப்பட்ட விஷயம் என்பதாலும் ஐம்பதாவது சுதந்திர தின விழாக்காலத்தை ஒட்டி அதன் வெளியீடு இருந்ததாலும் மட்டுமே இத்தனை புகழ் பெற்றது.

வந்தே மாதரம் இசைத் தொகுப்பின் வெற்றிக்கு ஏ.ஆர்.ரஹ்மான் என்ற பெயரும் அவர்களின் இசையும் பெரும் காரணம் என்றாலும் அதற்கு பின்னர் அவர் வெளியிட்ட பாம்பே ட்ரீம்ஸ், வந்தே மாதரம் அளவிற்கு புகழ் பெறவில்லை என்பதை கவனிக்க வேண்டும்.

இணையத்தில் தமிழ் பாப் பாடல்களை பகிர்ந்து கொண்டால் தமிழர்கள் பலர் அறியக்கூடும் என்பதால் தமிழ் பாப் பாடல்களை தொகுக்க என்னாலான சிறு முயற்சியை மேற்கொள்ளவிருக்கிறேன்.

http://thamizhpopsongs.blogspot.com/ என்ற வலைப்பூவில் சில தமிழ் பாப் பாடல்களை  கேட்கலாம். உங்கள் மேலான ஆதரவிற்கு நன்றி.

விண்ணைத் தாண்டி வருவாயா-ஓசன்னா/ஹோசன்னா

விண்ணைத் தாண்டி வருவாயா திரைப்பட பாடல்கள் இசைப்புயல் ரஹ்மானின் பாதையில் மற்றுமொரு மைல்கல் எனலாம்.

கவிஞர் தாமரையின் வரிகள் ஒவ்வொன்றும் அப்படியே கட்டிப்போடுகின்றன. குறிப்பாக ஹோசன்னா பாடலின் ஆரம்ப வரிகளான ஏன் இதயம் உடைத்தாய் நொறுங்கவே! என் மறு இதயம் தருவேன் நீ உடைக்கவே என்ற வரி என்னை வெகுவாகவே கவர்ந்தது.

(ஈழத்திற்காக கவிஞர் தாமரை பேசிய பேச்சைக் கேட்டு மிரண்டு போயிருந்தேன். அந்த புயலிடமிருந்து மீண்டும் இப்படி ஒரு தென்றல் போன்ற வரிகளா என்பது ஆச்சரியப்பட வைக்கிறது)

ஹோசன்னா பாடலை பாடியிருக்கும் விஜய் பிரகாஷ் என்பவரின் குரலை இதற்கு முன்னர் இசைப்புயலின் yuvraaj (2008) என்ற இந்தித் திரைப்படத்தின் Manmohini Morey பாடல் மூலம் கேட்டிருக்கிறேன்.

அந்த பாடலும் ஏறக்குறைய இதே சுருதியில் அமைக்கப்பட்ட பாடல் தான். அந்த பாடலில் கர்நாடக சங்கீத ஆலாப்களால் மனதை ரீங்காரமிடுவார் விஜய் பிரகாஷ். அதே போன்று ஹோசன்னாவிலும் கலக்கியிருக்கிறார்.

Manmohini Morey

Get this widget Track details eSnips Social DNA

உடன் பாடியிருக்கும் Suzanne வையும், Blaaze வையும் குறித்து சொல்லவே தேவையில்லை. Blaaze வை குறித்து தனி பதிவே போடலாம்.

yuvraaj திரைப்படத்தின் பாடல்கள் அத்தனையும் அத்தனை அருமையாக இருக்கும். அதில் பீத்தோவனின் இசையையும் சேர்த்திருப்பார் நம் ஆஸ்கர் நாயகன். கேட்காதவர்கள் நிச்சயம் கேளுங்கள்

'ஓமனப் பெண்ணே' பாடலில் பென்னி தயாளும், கல்யாணி மேனனும் சிறப்பாக செய்திருக்கிறார்கள். மலையாள வாசம் ரொம்பவே வீசுகிறது. நாதஸ்வரத்தின் சேர்க்கை 'ஓமனப் பெண்ணே' வில் வித்தியாசமாக இருக்கிறது.

'மன்னிப்பாயா' பாடலில் ஷ்ரேயா கோஷலும், ரஹ்மானும் வாழ்ந்திருக்கிறார்கள். "அன்பிற்கும் உண்டோ அடைக்கும் தாழ்" அன்பிலார் எல்லாம் தமக்குரியர்" என திருக்குறள்களையும் கவிஞர் தாமரை சேர்த்து விட்டிருப்பது சற்றும் எதிர்பாராதது, பாராட்டுக்குரியது.

'ஆரோமலே' பாடலின் ஆரம்பத்தில் Guitar ன் ஆக்கிரமிப்பு நம்மை ஆக்கிரமிக்கிறது. பாடலின் பிற்பகுதியில் வரும் சுலோகங்கள் சரிவர பிடிபடவில்லையென்றாலும் வித்தியாசமாகவே இருக்கிறது.

'அன்பில் அவன்' துள்ளலிசை பாடல் வகை. ரஹ்மானின் ஆஸ்தான பாடகி சின்மயி தேவனுடன் இணைந்து பாடியிருக்கிறார். எப்போதும் போல் சின்மயியின் குரல் சில்லென ஒலிக்கிறது. இடையிடையே வரும் மிருதங்கம், organ மற்றும் பிற இசைக்கருவிகளின் சங்கமம்(fusion) வியக்கவைக்கிறது.

கண்ணுக்குள் கண்ணை பாடலில் அ... ஆ வின் மரங்கொத்தியே சாயலும் ரங் தே பசந்தியின் சாயலும் சற்றே தெரிகிறது.

Title Song விண்ணைத் தாண்டி வருவாயா கார்த்திக்கின் மெல்லிய குரலில் வசீகரிக்கிறது.

ஹோசன்னா பாடலில் கவிஞர் தாமரை சொல்ல வந்தது விவிலியத்தில் கூறப்படும் ஓசன்னாவா இல்லை வேறு ஹோசன்னாவா இல்லை ஓ... சனா வா என்பது தான் நான் இப்போது எனக்குள்ளேயே கேட்டுக்கொள்ளும் கேள்வி.

ஆஸ்கர் நாயகனிடம் இத்தனை எளிமையா!

ஜனவரி 6 ஆம் தியதி இசைப்புயல் ஏ.ஆர்.ரஹ்மான் அவர்களின் பிறந்த நாள் ஆதலால் அவரது பேட்டியை CNN ஆங்கில தொலைக்காட்சி talk asia என்ற நிகழ்ச்சியில் நேற்று ஒளிபரப்பிக் கொண்டிருந்ததை தற்செயலாக காண நேரிட்டது.

மனிதர் மிக எளிமையாக பேசிவிட்டு போனார், சென்னையிலிருக்கும் இசைப்பள்ளியைக் குறித்தும், அவர் பாடல்களுக்கு எவ்விதம் மெட்டமைக்கிறார் போன்ற விடயங்களையும், ஹாலிவுட் வாய்ப்புகளையும் குறித்து விவரித்தார்.

ஸ்லம்டாக் மில்லினியர் திரைப்படத்திற்காக கிடைத்த இரு ஆஸ்கர்களுக்கு பின்னர் மேற்கத்திய உலகில் பரவலாக பேசப்பட்டும், எழுதப்பட்டும் வருகிறார் நம் இசைப்புயல்.

ஆஸ்கருக்குப் பின்னர் அமெரிக்காவின் பிரபல ஓப்ரா மற்றும் ஜே லெனோ நடத்தும் தொலைக்காட்சி நிகழ்ச்சிகளில் பங்கேற்றிருக்கிறார்; ஆங்கில பாப் இசைக்குழுவான Pussy Cat Dolls உடன் பணியாற்றியிருக்கிறார்; என சொல்லிக்கொண்டே போகலாம்.

(அண்மை காலத்து பேட்டி என்று தான் ஆரம்பத்தில் கருதினேன். ஆனால் அது மே மாதம் 2009 ல் அவர் அளித்த பேட்டி என்று பின்னர் தான் தெரியவந்தது)

எதுவாயினும் ஆங்கில தொலைக்காட்சிகளில் பேட்டியளிப்பதே பெரிய விஷயம் அதுவும் மேற்கத்திய நாடுகள் நம்மவர் ஒருவரை திரும்பிப் பார்க்கிறது என்றால் நமக்கெல்லாம் அது பெருமையே

2010 ல் எதிர்பார்க்கும் 10 விடயங்கள்

1. ரஹ்மான்-கிராமி விருது
இன்று (06.01.2010) பிறந்த நாள் காணும் ஆஸ்கர் நாயகன், இசைப்புயல் ரஹ்மான் இரண்டு கிராமி விருதிற்காக பரிந்துரை செய்யப்பட்டிருக்கிறார். இந்த மாதம் 31 ஆம் தியதி லாஸ் ஏஞ்சல்ஸ் நகரில் நடைபெறும் விழாவில் முடிவு தெரிந்து விடும்.

2. உலககோப்பை-ஹாக்கி

கிரிக்கெட்டில் மூழ்கிக் கிடக்கும் இன்றைய இளைஞர்கள் பலருக்கு இந்தியாவின் தேசிய விளையாட்டு கிரிக்கெட்டா ஹாக்கியா என சந்தேகம் வலுப்பதில் ஆச்சரியமில்லை.
பிப்ரவரி 28 முதல் ஆரம்பிக்கும் உலகக்கோப்பை ஹாக்கிப் போட்டிகளை இந்த முறை இந்தியாவே நடத்துகிறது. நவம்பர் 2008 மும்பை தாக்குதல்களைத் தொடர்ந்து இந்தியாவில் போட்டிகளை நடத்த வேண்டாம் என சர்ச்சைகள் எழுந்தது குறிப்பிடத்தக்கது.

3. உலகக்கோப்பை-கால்பந்து
நான்கு வருடமாக எதிர்பார்த்திருந்த உலகக்கோப்பை கால்பந்து போட்டிகள் தென்னாப்பிரிக்காவில் ஜூன் 11 ல் ஆரம்பிக்கின்றன. கிரிக்கெட் மேனியா இந்தியாவில் கால்பந்திற்கு என்ன மாதிரியான வரவேற்பு இருக்கும் என பார்ப்போம்.

4. இலங்கை-ஜனாதிபதி தேர்தல்

எப்போதும் இல்லாத அளவிற்கு அதிக எதிர்பார்ப்புகளை ஏற்படுத்தியிருக்கிறது ஜனவரி 26 ஆம் தியதி நடைபெறவிருக்கும் இலங்கை ஜனாதிபதி தேர்தல்.
முன்னாள் ராணுவ தளபதி சரத்தின் திடீர் ராஜினாமாவும், அரசியல் பிரவேசமும், தற்போதைய ஜனாதிபதி மீதான அவரின் குற்றச்சாட்டுகளும் மேலும் எதிர்பார்ப்புகளை ஏற்படுத்தியிருக்கின்றன. தினம் மடிந்து வரும் இலங்கைத் தமிழர் நலனுக்கு என்ன செய்யப்போகிறார்க்ள என பார்ப்போம்

5. ஷங்கர்,ரஜினி,ஐஸ்,ரஹ்மான்-எந்திரன்

இந்த வருடம் பலராலும் ஆவலாய் எதிர்பார்க்கப்படும் படங்களுள் ஒன்று எந்திரன். எந்திரனின் எதிர்பார்ப்பை கூட்டியிருப்பது சூப்பர்ஸ்டார் ரஜினிகாந்த் மட்டுமல்ல... இயக்குனர் ஷங்கரின் பிரம்மாண்ட காட்சியமைப்பு, ஆஸ்கர் நாயகன் ரஹ்மானின் இசை, உலக நாயகி ஐஸ்வர்யா, என பலவற்றைப் பட்டியலிடலாம்

எந்திரன் ஏப்ரல் 14 அன்று வெளிவருமா என்பது ஏப்ரல் 14 அன்று தான் தெரியும் :)

6. வேட்டைக்காரன்-கோட்டைக்காரன்!!!

குருவி, வில்லு, வேட்டைக்காரன் என தொடர்ந்து தோல்வியடைந்திருக்கும் நடிகர்!!? விஜய் கோட்டைக்காரனாக கோட்டையில் அமர்வாரா இல்லை பலரைக் காப்பி(copy)யடித்து வேட்டைக்காரன் மாதிரியான நகல் படங்களில் நடிப்பாரா!!! என பார்ப்போம்

7. இந்தியா-உலக அரங்கில்

2009 ன் ஆரம்பத்தில் பொருளாதார நெருக்கடிகளால் உலகம் தட்டுத் தடுமாறிக் கொண்டிருக்கையில் ஆசிய நாடுகளான இந்தியாவும், சீனாவும் ஓரளவு தாக்குப்பிடித்து நின்றன.

2009 ன் இறுதியில் வளைகுடா நாடுகளும் பொருளாதார நெருக்கடிக்கு தள்ளப்படவே பிரச்சினை இன்னும் தீர்ந்தபாடில்லை.

2010 ல் இந்தியாவின் பங்கு உலக அரங்கில் என்னவாக இருக்கும் குறிப்பாக கோப்பன்ஹேகனைத் தொடர்ந்து நவம்பர் 29 ல் மெக்சிகோ நகரில் நடைபெறவிருக்கும் ஐ.நா வின் பருவநிலை மாநாட்டில் என்ன மாதிரியான நிலைப்பாட்டை எடுப்பார்கள் என பார்ப்போம்.

8. டைகர் உட்ஸ்-கோல்ப்

2009 ன் இறுதியில் பல சிக்கல்களில் மாட்டித் தவித்த உலகின் முன்னணி கோல்ஃப் ஆட்டக்காரர் டைகர் உட்ஸ் தனது விளம்பரதாரர்களை ஒன்றன் பின் ஒன்றாக இழந்தார்.

அதில் குறிப்பிடும் படியானது திராவிட்டை கழட்டி விட்ட அதே GILLETE நிறுவனத்தினர்.

2010 ல் மீண்டும் முதலிடத்தைப் பிடிப்பாரா என கோல்ஃப் உலகம் சர்ச்சை செய்து கொண்டிருக்கிறது.

9. ஃபெடரர் Vs நடால்

2009 ல் ஆண்கள் டென்னிஸ் உலகின் தர வரிசையில் முதல் இரு இடங்களை பிடிப்பதற்கு கடும் போட்டி நிலவியது சுவிட்சர்லாந்தின் ரோஜர் ஃபெடரர் மற்றும் ஸ்பெயினின் ரஃபேல் நடால் இடையே தான்.

எனினும் 2009 ன் இறுதியில் காயங்கள் காரணமாக தர வரிசையில் நடால் சற்றே சறுக்கியது முதலிடத்தை மீண்டும் பிடிப்பதற்கு ஃபெடரருக்கு வாய்ப்பாகிப் போனது. இந்த வருடம் எவ்வாறு அமையும் என பொறுத்திருந்து பார்ப்போம்.

10. இந்தியா-பிரிவினைகள்

2009 ல் ஆந்திராவிலும், உத்திரப்பிரதேசத்திலும் தனி மாநிலம் கோரியவர்கள், மகாராஷ்டிராவில் மராத்தி மட்டுமே பேச்சுமொழியாக இருக்க வேண்டும் என நிர்ப்பந்தித்த சிவசேனாவினர் என பிரிவினைகளுக்கு விதையிட்டவர்கள் என்ன செய்வார்கள் எனவும் அவர்களை மத்திய அரசு எவ்விதம் கையாளும் என்பதும் போகப்போகத் தான் தெரியும்.

இவை ஏற்கெனவே எல்லைகளினாலும், மொழிகளினாலும் பிரிந்து கிடக்கும் இந்திய மாநிலங்களையும், மக்களையும் எவ்விதம் பாதிக்குமோ தெரியவில்லை.

'எல்லா புகழும் இறைவனுக்கே' 2009-2010

2009 ஆவது ஆண்டின் இறுதி தினத்தில் இந்த வருடம் வலையுலகிலும், இணையத்திலும் என்னோடு துணை நின்ற அனைத்து நல்ல உள்ளங்களையும் (குறிப்பாக இலங்கை சகோதரர் லோஷன்) நினைவு கூறுவதோடு அனைவருக்கும் என் நன்றிகளையும், புது வருட வாழ்த்துக்களையும் தெரிவித்துக் கொள்கிறேன்.

2009-ஆஸ்கர் நாயகன் ஏ.ஆர்.ரஹ்மான் அவர்களினாலும், நோபல் நாயகன் ராமகிருஷ்ணன் வெங்கட்ராமன் அவர்களினாலும் தமிழர்களையும், தமிழையும் தலைநிமிரச் செய்த ஆண்டு என்ற மகிழ்ச்சி ஒருபுறமிருந்தாலும் இலங்கை விஷயத்தில் சுமூகமான ஒரு தீர்வு இன்னமும் எட்டப்படாத நிலை வருத்தத்தைத் தான் தருகிறது.

உலகமே உற்று நோக்கிக் கொண்டிருந்த அந்த ஆஸ்கர் மேடையில் ரஹ்மான் @ திலீப்குமார் தமிழில் உதிர்த்த " எல்லா புகழும் இறைவனுக்கே " என்ற வாக்கை நேரலையில் கேட்ட தமிழர்கள் அனைவரும் நிச்சயம் புல்லரித்துப் போயிருக்கக்கூடும்.

2010 அனைவருக்கும் அமைதியான, மகிழ்ச்சியான ஆண்டாக அமைய மீண்டும் வாழ்த்துக்கள்.

" எல்லா புகழும் இறைவனுக்கே "

ஏ.ஆர்.ரஹ்மான்-கிராமி விருதிற்காக பரிந்துரை செய்யப்பட்டுள்ளார்

ஸ்லம்டாக் மில்லினியர் திரைப்படம் வெளிவந்து ஒரு வருடம் ஆகியும் இன்னமும் பேசப்பட்டு தான் வருகிறது.

ஏற்கெனவே கோல்டன் குளோப், BAFTA, Critics Choice, ஆஸ்கார் உள்ளிட்ட பல விருதுகளை வென்றிருக்கிற ஸ்லம்டாக் மில்லினியர் தற்போது அதன் இசைக்காக இசைக்கான அமெரிக்காவின் உயரிய விருதாகக் கருதப்படும் GRAMMY விருதிற்காக பரிந்துரை செய்யப்பட்டுள்ளது.

இசைப்புயல் ஏ.ஆர்.ரஹ்மானிற்கு இரண்டு ஆஸ்கர் விருதுகளைப் பெற்றுத் தந்த 'ஜெய் ஹோ' சிறந்த பாடலுக்கான விருதிற்காகவும், சிறந்த இசைக்கான விருதிற்காக ரஹ்மானும் பரிந்துரைக்கப்பட்டிருக்கிறார்கள்.

1958 முதல் வழங்கப்பட்டு வரும் Grammy விருதுகள் இசைக்கான ஆஸ்கர் எனவும் அறியப்பட்டு வருகிறது குறிப்பிடத்தக்கது.

ரஹ்மான் கிராமி விருதிற்காக பரிந்துரைக்கபடுவது இது தான் முதல் முறை என தெரிகிறது.

52 ஆவது கிராமி விருதுகளுக்காக பரிந்துரைக்கப்பட்டுள்ள மற்ற இசைத் தொகுப்புகளையும், இசைக்கலைஞர்களையும் இங்கே சுட்டினால் தெரிந்து கொள்ளலாம்.

(இதில் category 81 லும் category 83 லும் ஸ்லம்டாக் மில்லினியரின் பரிந்துரையைக் காணலாம் அதாவது Best Compilation Soundtrack Album For Motion Picture, Television Or Other Visual Media மற்றும் Best Song Written For Motion Picture, Television Or Other Visual Media)

கிராமி விருதுகள் 2010 ஆம் வருடம் ஜனவரி 31 ல் அமெரிக்காவின் லாஸ் ஏஞ்சல்ஸ் நகரில் வழங்கப்படவிருக்கின்றன.

நன்றி: கிராமி

உங்களையும் பாதித்திருக்கக் கூடிய 10 இல்லை 11 விஷயங்கள்

பத்து பத்துன்னு எல்லாரும் பட்டைய கெளப்பிட்டு இருக்காங்க; சரி நம்ம ஏன் பத்த போடணும்! பத்து நம்ம கிரிக்கெட்டில செல்லாத ஆட்டம் ஆச்சே. நம்ம ஆட்டத்துக்கு பதினொரு ஆள் இல்ல வேணும்... அந்த வகையில் இத்தனை வருடங்கள் என்னைக் கவர்ந்த, கவிழ்த்த ; நான் ரசித்த, வியந்த; என்னால் மறக்க, மறுக்கவியலாத பதினொரு விஷயங்கள் இங்கே.

இவற்றில் பல உங்களையும் கவர்ந்திருக்கக்கூடும் என்றே எண்ணுகிறேன்.

1.ஏதேதோ எண்ணம் வளர்த்தேன்

புன்னகை மன்னன் திரைப்படத்தின் "ஏதேதோ எண்ணம் வளர்த்தேன்" பாடலை இப்போது கேட்டாலும் புதிதாகத் தான் தோன்றுகிறது. கவிப்பேரரசு வைரமுத்துவின் மிக எளிதான பாடல் வரிகள், மனதை லயிக்கும் இசைஞானி இளையராஜாவின் மெட்டு, சின்னக்குயில் சித்ராவின் சிறைவைக்கும் குரல் என அசத்தலான ஒரு பாடல் இது.


2.The Corrs-Breathless

அயர்லாந்தின் Andrea Corr, Carolilne Corr, Sharon Corr & Jim Corr என்ற ஒரே குடும்பத்தைச் சார்ந்த மூன்று சகோதரிகளும் ஒரு சகோதரனும் இணைந்த பாப் இசைக்குழு தான் THE CORRS. இவர்களின் Leave Me Breathless என்ற பாடலைக் கேட்டு அசந்து போனேன்.

குறிப்பாக இந்த குழுவில் drum இசைக்கும் Caroline ன் திறமையைப் பார்த்து இன்றும் மலைத்து நிற்கிறேன். ஒரு பெண் அத்தனை வேகமாக drum இசைக்கவியலுமா என ஆச்சரியப்படுகிறேன். இவரின் அதிரடியை நீங்களும் கொஞ்சம் பாருங்கள்.


3.911

ஒரு மனிதனின்/சமூகத்தின் கோபம் இத்தனை பெரிய விளைவுகளை ஏற்படுத்துமா என்ற கேள்வியோடு எனக்குள்ளே மேலும் பல கேள்விகளை எழுப்பிய சம்பவம் 9.11.2001 ல் அல்-கொய்தாவால் நிகழ்த்தப்பட்ட அமெரிக்க தாக்குதல்.

4.உயிரே-1998

இசைப்புயலின் இசையென்றால் கொள்ளைப் பிரியம்.இசைப்புயல் இசையமைத்த திரைப்படங்களின் ஒலிநாடா (cassette) எப்போது வெளிவருமென்று எதிர்பார்த்துக் கொண்டிருப்பேன். 1998 ல் உயிரே வெளியாகியிருந்த சமயம் அது.

ஒலிநாடா வாங்க சென்ற வேகத்தில் இருசக்கர வாகனத்தை No Parking ல் நிறுத்தி விட்டோம் நானும் எனது மைத்துனரும்; மறுநாள் நீதிமன்றம் வரை சென்று அபராதம் கட்ட வேண்டிய நிலைமை வந்ததை நினைத்து இன்றும் சிரிக்கத் தோன்றுகிறது. 5.தர்மபுரி பேருந்து எரிப்பு-2.2.2000

தர்மபுரியில் கல்லூரி இரண்டாமாண்டு படித்துக் கொண்டிருந்த நேரம் அது. அரசியல் பிரச்சினை காரணமாக கோவை வேளாண் பல்கலைகழக பேருந்திற்கு சில கயவர்கள் தீ வைப்பும் ,மூன்று மாணவிகளின் மரணமும் அதன் பின்னர் தர்மபுரி அரசு பொது மருத்துவமனைக்கு சென்று காயமடைந்த மாணவர்களுக்கு பணிவிடைகள் செய்ததும் இன்றும் மறக்கவியலாது. அனைத்து அரசியல் கட்சிகளின் மீதும் வெறுப்பு தோன்றிய நாள் அது.

6.முதல் காதல்

பெரும்பாலானவர்களின் முதல் காதல் போன்றே எனது காதலும் ......... ஆமா அதே தான்... கவுந்து போச்சு.

7.இணையம்,பதிவுலகம்,கூகுள், ஆர்குட்

பத்து வருஷத்துக்கு முன்னால இது மாதிரி எதும் எழுதினா நான் மட்டும் தான் உக்காந்து ரசிக்கணும் sorry கொடுமயேன்னு உக்காந்து படிக்கணும், ஆனா இப்போ முகமே தெரியாத பல நண்பர்களை இணையம் தந்திருக்கிறது இந்த கொடுமய எல்லாம் சகிக்க.

பத்து நொடிகளுக்குள்ளாக பத்தாயிரம் இணையபக்கங்களை திரட்டித்தருகிறது Google.சில காலம் காணாமல் போன முகங்களை எல்லாம் orkut ம், facebook ம் தேடித்தருகிறது.இப்படியெல்லாம் உலகம் மாறிப்போகும் என பத்து வருடங்களுக்கு முன் நினைத்துக்கூட பார்க்கவில்லை.

8.Guitar

90' களில் Guitar இசைக்கருவியின் மீது அத்தனை ஆர்வம். அதன் பின்னர் நாகர்கோவிலில் 1994ஆம் ஆண்டு எனது நண்பர்களும் இரட்டைப்பிறவிகளுமான வால்டர் மற்றும் மோகனின் மூலம் இசைக்க கற்றுக்கொண்டது கனவை நனவாக்கிய ஒரு எதிர்பாராத நிகழ்வு என்று கூட கூறலாம்.

9.சச்சின்-1998

சச்சினின் ஆட்டத்தை ரசிக்க சொல்லித்தரவா வேண்டும். குறிப்பாக 1998 ஆம் ஆண்டு ஷார்ஜாவில் ஆஸ்திரேலியாவிற்கு எதிராக அவர் அடித்த இரண்டு அதிரடி சதங்கள் இன்றும் நினைவிலிருக்கிறது.


இறுதிப் போட்டியின் மறுநாள் நான் நுழைவுத்தேர்வு எழுத வேண்டும் என்பதை கூட பொருட்படுத்தாமல் நண்பன் வீட்டுத் தொலைக்காட்சிப் பெட்டி முன் முடங்கிக் கிடந்தேன்

10.Manchester United-சர்.அலெக்ஸ் ஃபெர்குசன்,பெக்காம்,

இங்கிலாந்து எனக்கு பிடித்த நாடு என்பதால் அங்கு உள்ள கால்பந்து அணிகளையும், வீரர்களையும் அதிகம் கவனிப்பது உண்டு. Manchester United அணியையும் அதன் மேலாளரான சர்.அலெக்ஸ் ஃபெர்குசனையும் கண்டு வியப்பதுண்டு. இத்தனை வயதிலும் அயராமல் உழைக்கும் இந்த மேலாளரிடம் இருந்து கற்றுக் கொள்ள வேண்டியவை பல.

அதே போன்று Manchester United அணியின் முன்னாள் தலைவரான டேவிட் பெக்காமின் திறமையும் ஆச்சரியப்பட வைக்கும்.

11.இந்தியா-தமிழகம்-நம்ம ஊரு

நமக்கு நெருக்கமாக இருக்கும் ஒருவரையோ அல்லது ஒரு இடத்தையோ விட்டு நாம் அகலும் போது தான் பிரிவின் கொடுமையை உணர்வோம்.அந்த வகையில் படிப்பினிமித்தமும், பணியினிமித்தமும் சொந்த ஊரை,தமிழகத்தை,இந்தியாவை விட்டு அகன்று நின்ற போது தான் அந்த வலியை உணர்ந்தேன்.

சொர்க்கமே என்றாலும் அது நம்மூர போல வருமா...

இப்படி கிறுக்குகிறவன் புத்தகங்களையும்,எழுத்தாளர்களையும் பட்டியலிடாமல் போனது ஏனென்றால் முறையான புத்தக வாசிப்புகள் இல்லாமையால் தான். எனினும் எம்.எஸ்.உதயமூர்த்தி, ஜெயகாந்தன் போன்றோரின் படைப்புகளை அங்கொன்றும் இங்கொன்றுமாக படித்திருக்கிறேன். பாரதியார் கவிதைகளையும் படித்ததுண்டு. முறையாக இப்போது தான் படிக்கத்தொடங்கி உள்ளேன்.

இந்த நேர்மை உங்களுக்கு பிடிச்சிருக்கும்ணு நினைக்கிறேன் :))

இளமையில் சாதித்தவர்கள் தரும் நம்பிக்கை

தங்களது கடின உழைப்பாலும்,விடாமுயற்சியாலும் இளமையிலேயே பெரும்புகழ் அடைந்து பலருக்கு முன்மாதிரியாக இருக்கும் சிலரைக் குறித்த பதிவு.

லியோனல் மெஸ்ஸி (Lionel Messi) கால்பந்து ரசிகர்களுக்கு இவரைக் குறித்த அறிமுகமே தேவையில்லை.அர்ஜென்டினாவை சேர்ந்த 22 வயதே நிரம்பிய கால்பந்து வீரர் இவர்,16ஆவது வயதிலேயே சர்வதேச கால்பந்து களத்தில் இறங்கியவர்.தற்சமயம் ஸ்பெயினின் பார்சிலோனா 'கிளப்'பிற்காக ஆடி வருகிறார்.கால்பந்தை கண்ணிமைக்கும் நேரத்தில் கடத்துவதும்,வேகமாக பந்தை முன் நகர்த்துவதும் இவரது பிரத்தியேக திறமை.

இத்தனைக்கும் 11 வயதில் வளர்ச்சிக்கு காரணமான ஹார்மோன் குறைபாட்டால் பாதிக்கப்பட்டு மருத்துவ செலவுக்கு கூட வசதியில்லாமலிருந்தவர்.புதிய மரடோனா என்றும்,மெஸ்ஸிடோனா என்ற பட்டப்பெயரும் இவருக்கு உண்டு.மெஸ்ஸி,மரடோனாவுக்கு நிகராக விளையாடுவதை மரடோனாவே ஒப்புக்கொண்டுள்ளார்.இருவரும் அர்ஜென்டினாவை சார்ந்தவர்கள் என்பது அர்ஜென்டினருக்கு பெருமை சேர்க்கும் விஷயம்.

ஆடுகளத்தில் பிற வீரர்களை போல் கால்களில் கவனம் செலுத்தாமல் கால்பந்தில் மட்டுமே கவனம் செலுத்தும் சாதுவானவர்.

ரஃபேல் நடால்(Rafael Nadal) ராஃபா என டென்னிஸ் ரசிகர்களால் செல்லமாக அழைக்கப்படும் ஸ்பெயினைச் சார்ந்த டென்னிஸ் வீரர்.23 வயதே ஆகியிருக்கும் இவர் தற்பொழுது உலகின் முதல்நிலை டென்னிஸ் வீரர். நான்கரை வருடமாக(2004 முதல் 2008வரை) தரவரிசையில் முதலிடத்திலிருந்த சுவிட்சர்லாந்தின் ரோஜர் ஃபெடரரை தோற்கடிக்க எவருமே இல்லை என்றிருந்ததை மாற்றி எழுதியதும் இவர் தான்.

இந்த வருடம் மட்டும் இதுவரை 4 ஏ.டி.பி மற்றும் ஒரு கிராண்ஸ்லாம் உட்பட 5 பட்டங்களை வென்றுள்ளார்.

களிமண் தரை மைதானங்களின் மன்னன் (king of clay court) என்று அறியப்படும் நடால் களிமண் தரை மைதானமுடைய ஃப்ரெஞ்ச் ஓபன் பட்டங்களை 2005 முதல் 2008 வரை தொடர்ந்து நான்கு முறை பெற்றுள்ளார்.இதில் மூன்று வருடம் தொடர்ச்சியாக இவரிடம் தோல்வியடைந்தது ஃபெடரர்.

புல் தரை மைதானங்களில் அதிகம் சோபிக்காத நடால் கடந்த ஆண்டின் விம்பிள்டன் போட்டியில் ரோஜர் ஃபெடரரை தோற்கடித்து அதற்கும் முற்றுப்புள்ளி வைத்தார்.

ரோஜர் ஃபெடரர்

14 வயதில் சுவிட்சர்லாந்தின் சாம்பியன் ஆனவர் ஃபெடரர்.தற்சமயம் உலக டென்னிஸ் தரவரிசையில் இரண்டாவது இடத்தில் இருப்பவர்.நான்கரை வருடமாக(2004 முதல் 2008வரை) தரவரிசையில் முதலிடத்திலிருந்து சாதனை செய்தார்.

இதுவரை 13 கிராண்ட்ஸ்லாம் பட்டங்களை வென்று சரித்திரத்தில் இடம் பிடித்திருக்கிறார்.14 பட்டங்கள் பெற்ற அமெரிக்காவின் பீட் சாம்ப்ராஸின் சாதனையை முறியடிக்க இனி ஒரு கிராண்ட்ஸ்லாம் பட்டமே எஞ்சியுள்ளது.

சச்சின் டெண்டுல்கர் இந்தியாவில் கிரிக்கெட்டைக் குறித்து அறியாதவர் கூட சச்சினை அறிவர் எனலாம்.தனது 16 ஆவது வயதிலேயே சர்வதேச ஆட்டங்களில் காலடி எடுத்து வைத்த சச்சின் 25 வயதிற்குள்ளாக 16 சதங்களை அடித்து முடித்திருந்தார்.

சச்சினின் சாதனைகளை பட்டியலிட இந்த பக்கங்கள் போதாது.அவரின் குறிப்பிடும் படியான சில சாதனைகள் இங்கே.

லியாண்டர் பயஸ்
16 ஆவது வயதிலேயே டென்னிஸ் மட்டையை பிடித்தவர்.ஒலிம்பிக்கில் டென்னிசிற்காக வெண்கலப் பதக்கம் வென்ற ஒரே இந்திய வீரர்.

தனது 17 ஆவது வயதிலேயே லண்டனில் நடைபெற்ற விம்பிள்டன் ஜூனியர் பட்டம் வென்றவர் அதோடு 1990 ல் உலக ஜூனியர் டென்னிசின் தர வரிசையில் முதலிடமும் பிடித்தார்.

இதுவரை 8 இரட்டையர் கிராண்ட்ஸ்லாம் பட்டங்களை வென்றிருக்கிறார் பயஸ்.மகேஷ் பூபதியுடன் 1999 ல் சர்வதேச இரட்டையர் தரவரிசையில் முதலிடம் பெற்றிருந்தார்.

ஏ.ஆர்.ரஹ்மான் 10 வயதில் தந்தையை இழந்த திலீப் குமார் குடும்பப் பொறுப்புகளையும் சுமக்க வேண்டிய கட்டாயம்,என்றாலும் இசை மீதான தனது வேட்கையையை அவர் விட்டுவிடவில்லை.இந்தியாவில் வேறு எந்த கலைஞரும் காணாத மேல்நாட்டு இசைக்கருவிகளையும்,தொழில்நுட்ப கருவிகளையும் அறுபதுகளிலேயே இறக்குமதி செய்து இசை மீட்டிய தந்தை சேகரின் வழி இளமையிலேயே பயணித்தவர்.

26 ஆவது வயதிலேயே திரைப்படத்திற்கு இசையமைத்தார் ஆஸ்கர் நாயகனான ரஹ்மான். அறிமுக படத்திலேயே சிறந்த இசையமைப்பாளருக்கான தமிழக அரசின் விருதும்,தேசிய விருதும் பெற்ற ஒரே இசையமைப்பாளர் என்ற சிறப்பைப் பெற்றார்.அவரின் பிற சாதனைகள் இங்கே.
இளம் வயதிலேயே இவர்கள் பெற்ற உயர்ந்த விருதுகளுக்கும்,பதக்கங்களுக்கும்,புகழுக்கும் காரணம் அவர்களின் முழுமையான ஈடுபாடும்,தன்னம்பிக்கையும்,விடாமுயற்சியும்,கடின உழைப்புமேயாகும்.

இவற்றை இன்றைய இளைய சமுதாயத்தினர் மட்டுமல்லாமல் வாழ்வில் வெற்றிபெற வேண்டும் என எண்ணுபவர்கள் எவரும் கடைபிடிப்பார்களெனில்,வெற்றி நிச்சயமே.

ஸ்லம்டாக் மில்லினியருக்குப் பின்...

ஸ்வரூப் விகாஸ் அவர்களின் கதையில் டேனி போய்ல் இயக்கி 8ஆஸ்கர் விருதுகளை வென்று பெயரும் புகழும் அடைந்திருக்கும் ஸ்லம் டாக் மில்லினியர் திரைப்படத்திற்கு ஆரம்பத்தில் சரியான அறிமுகம் கூட கிடைக்கவில்லை.

விநியோகிப்பாளர்களான ‘வார்னர் பிரதர்ஸ்’ ஸ்லம் டாக் மில்லினியரை திரை அரங்குகளில் வெளியிடுவதால் லாபம் ஈட்டும் என்ற நம்பிக்கையே வைக்கவில்லையாம்.அமெரிக்க திரை அரங்குகளில் வெளியிடாமல் நேரடியாக DVDஆக வெளியிடலாம் எனவும் முதலில் யோசித்திருக்கிறார்கள்.

பின்னர் செப்டம்பர் 2008, கனடாவில் people's choice விருதில் ஆரம்பித்த ஸ்லம்டாக் மில்லியனிரின் புகழ் திரைப்படத்தை மட்டுமல்லாது இதில் பணியாற்றிய ஒவ்வொரு கலைஞரையும் இன்று மேலும் மேலும் உயரங்களை எட்டச் செய்திருக்கிறது.

திரைப்படத்தில் குரோர்பதி நிகழ்ச்சி நடத்துபவராக நடித்த அனில் கபூர் தற்பொழுது அமெரிக்கா முழுவதும் பிரபலமாகியிருக்கிறார்.அதன் உச்ச கட்டமாக அமெரிக்காவில் எம்மி,கிராமி விருதுகளை வென்ற ஃபாக்ஸ் சானலின் பிரபல தொலைக்காட்சி நிகழ்ச்சியான '24'ல் முக்கியமான வேடம் ஒன்றில் நடிக்க ஒப்பந்தம் செய்யப்பட்டுள்ளார்.

இசைப்புயல் ரஹ்மானுக்கும்,ரசூல் பூக்குட்டிக்கும் ஹாலிவுட்டில் இருந்து பல வாய்ப்புகள் வந்த வண்ணம் இருப்பதாக கேள்விப்பட நேரிடுகிறது.

(இது பழைய புகைப்படம்)

'ஜெய் ஹோ' பாடலை Pussycat Dolls என்ற ஆங்கில பாப் குழு you are my destiny என்று ஆங்கிலத்திலும் மாற்றி ஆஸ்கர் விழாவின் மறுநாள் வெளியிட்டது.ஆஸ்கர் விருது பெற்ற அடுத்த நாளே அமெரிக்காவின் பிரபல தொலைக்காட்சி நிகழ்ச்சியான 'ஓப்ரா' விலும் ரஹ்மான் ஜெய் ஹோ பாடலை நடனக்குழுவினருடன் நிகழ்த்தினார்.

ஹாலிவுட்டின் பார்வை பாலிவுட்டின் மீதும் கோடம்பாக்கத்தின் மீதும் வெகுவாக திரும்பியிருப்பது மகிழ்ச்சியளிக்கும் விஷயம்.அமீர் கானுடன் இணைந்து ஒரு திரைப்படம் செய்ய இருக்கிறார் என்றும் வதந்திகள் கிளம்பியுள்ளன. அமீர்கானின் 'Taare Zameen Par' பார்த்து விட்டு அருமை என புகழ்ந்திருக்கிறார் டேனி.

படப்பிடிப்பு நடத்தப்பட்ட மும்பை சேரிப் பகுதியை சீர்ப்படுத்தும் விதம் 900,000 அமெரிக்க டாலர்கள் ஒதுக்கப்பட்டுள்ளதாக ஸ்லம்டாக் மில்லினியரின் தயாரிப்பாளர்கள் அறிவித்திருக்கின்றனர்;

மும்பை சேரிப்பகுதி மூலம் நாங்கள் பெற்ற புகழுக்கு நன்றி தெரிவிக்கும் விதம் அந்த பகுதியின் குழந்தைகளின் உண்மையான வாழ்வில் முன்னேற்றத்தை கொண்டுவருவதே சரியாகும் என இயக்குனர் டேனி போய்லும் தெரிவித்திருக்கிறார்.

இந்த திரைப்படம் மூலம் தான் பெற்ற ஊதியம் முழுவதையும் அனில்கபூர் சேரியின் முன்னேற்றத்திற்காக கொடுத்திருப்பதும் பாராட்டப்படத் தக்கது.

திரைப்படத்தில் நடித்த ருபினாவிற்கும்,அசாருதீனுக்கும் உதவி செய்யும் வகையில் ஜெய்ஹோ டிரஸ்ட் என்ற பெயரில் ஒரு அமைப்பையும் உருவாக்கி பண உதவிகள் செய்து வருகின்றது ஸ்லம்டாக் திரைப்படக்குழு.

நாயகியான ஃப்ரீடா பின்டோ இன்று பல ஹாலிவுட் திரைப்படங்களுக்கும் ஒப்பந்தமாகியிருப்பதோடு காதலிலும் விழுந்திருக்கிறார்.உடன் நடித்த தேவ் படேலும் இவரும் நெருங்கி பழகி வருவதாக ஆரம்பத்தில் வந்த செய்திகளை இருவரும் மறுத்தாலும் தற்பொழுது ஒப்புக் கொண்டுள்ளனர். .

இந்தியாவின் ஏழ்மையையும்,சேரிகளையும் விற்று பிழைக்கிறார்கள் என்று ஒரு சாரார் இன்னமும் ஸ்லம்டாக் திரைப்படத்தையும்,திரைப்படக் குழுவையும் குறை சொல்லிக் கொண்டிருக்கத் தான் செய்கிறார்கள்.

இதில் நடித்த சிறுமி ருபீனாவை மடோனா உள்ளிட்ட அமெரிக்கர்கள் பலரும்,தத்து எடுக்க தயாராக இருப்பதாகவும்,பணத்திற்காக அவளது தந்தையும் ருபினாவை விற்பதற்கு!! சம்மதம் தெரிவித்திருப்பதாகவும் கடந்த மாதம் பரபரப்பு ஏற்பட்டது.

இப்படியாக ஸ்லம்டாக் மில்லினியர்,சிலரின் பார்வைக்கு பணமாக மட்டுமே தெரிகையில் பலரின் பார்வையில் நல்ல குணமாக தெரிகிறது;ஸ்லம்டாக் மில்லினியர் திரைப்படக்குழு செய்து வரும் நற்பணிகளுக்கு வாழ்த்துக்கள்.

அவர்கள் செலவிடும் பணம் சரியான வழியில் ஏழைக்குழந்தைகளை சென்றடைந்தால் மகிழ்ச்சியே.இந்தியரின் திறமைகளை உலகறிய செய்யக் காரணமாகிய விகாஸ் ஸ்வரூப் அவர்களுக்கும் டேனி போய்ல் உள்ளிட்ட ஸ்லம்டாக் திரைப்படக்குழுவிற்கும் நன்றி.

கேரளத்தவர்கள் ரசிக்கும் இளையராஜாவும்!ரஹ்மானும்!

பொதுவாகவே கேரளத்தில் பெரும்பாலான மேடை நிகழ்ச்சிகளில் மலையாள பாடல்களைக் காட்டிலும் தமிழ் பாடல்களே அதிகம் பாடப்படுகின்றன.கேரள இசைப்பிரியர்கள் தமிழ் பாடல்களையே அதிகம் விரும்புவதும் இதற்கு காரணமாக இருக்கலாம்.மலையாள தொலைக்காட்சியான ஏசியாநெட் இரண்டு ஆண்டுகளாக நடத்தி வரும் ஸ்டார் சிங்கர் என்ற சிறந்த பாடக பாடகிகளை வெளிக்கொணரும் நிகழ்ச்சி குறித்து பெரும்பாலானவர்கள் அறிந்திருக்கக் கூடும்.

பாடகர் உன்னிகிருஷ்ணன்,பாப் பாடகி உஷா உதூப்,இசையமைப்பாளர் ஷரத் போன்றோர் நடுவர்களாக இருந்து வருவது குறிப்பிடத்தக்கது.தமிழ் பாடல்களின் ஆக்கிரமிப்பு ஸ்டார் சிங்கர் போட்டியையும் விட்டு வைக்கவில்லை.இதில் இறுதிச் சுற்று வரை முன்னேறியிருக்கும் சோனியா என்பவர் பாடிய சில தமிழ் பாடல்கள் இங்கே.

இளையராஜாவின் "குருவாயூரப்பா"

ரஹ்மானின் "மலர்களே"

இதில் சோனியா உடன் பாடியிருக்கும் நஜிம் 2007-ஸ்டார் சிங்கரின் சாம்பியன் ஆவார்.தற்போது பல திரைப்படங்களில் பாடி வருகிறார்.சோனியா மலையாளி என்ற சாயல் கொஞ்சம் கூட இல்லாமல் அருமையாக பாடியிருக்கிறார்.

இளையராஜாவின்"நின்னுக்கோரி வரணும்"

ஓப்ரா நிகழ்ச்சியில் ரஹ்மானின் ஜெய்ஹோ

ஆஸ்கர் விருது பெற்ற மறு தினமே அமெரிக்காவின் புகழ்பெற்ற ஓப்ரா வின்ஃப்ரேவின் தொலைக்காட்சி நிகழ்ச்சியில் ஸ்லம்டாக் மில்லினியரின் ஜெய்கோ பாடலை நடனக்குழுவினருடன் ரஹ்மான் நிகழ்த்தி காட்டினார்.

நிகழ்ச்சியில் ரஹ்மானின் பெயரை கூட சரியாக உச்சரிக்க வரவில்லை ஓப்ராவிற்கு... ஆனால் எப்படியோ ஜெய்ஹோவை மட்டும் சரியாக உச்சரித்து விட்டார்.(அமெரிக்கர்கள் உச்சரிக்கும் அளவிற்கு புகழ் பெற்றுள்ளது குல்சாரின் ஜெய்ஹோ வரிகள்)காணொளியை இங்கே இணைத்துள்ளேன்

ரஹ்மானின் (அமெரிக்க) காட்டில மழை... எல்லா புகழும் ரஹ்மானுக்கே

ஆங்கிலத்தில் ஸ்லம்டாக் மில்லினியரின் ஜெய் ஹோ பாடல்

ஆஸ்கர் விருது பெற்ற இசைப்புயல் ரஹ்மானின் ஸ்லம் டாக் மில்லினியர்,ஜெய் ஹோ பாடல் Pussycat Dolls என்ற ஆங்கில பாப் குழுவினால் You are my Destiny என்று ஆங்கிலத்தில் மாற்றப்பட்டுள்ளது. இதனை Pussycat Dolls ன் Nicole Scherzinger பாடியுள்ளார்.அவர்களது Official video விரைவில் வெளியிடப்படும் என தெரிகிறது. ஆங்கில பாடலுடனான ஸ்லம்டாக் மில்லினியரின் காணொளியை கீழே இணைத்துள்ளேன்.

ஸ்லம்டாக் மில்லினியரின் ஜெய்ஹோ வரிகள் உலகம் முழுவதும் புகழ்பெற்றுள்ளது.இந்தியரின் திறமை உலகெங்கும் அறியப்பட அடித்தளம் அமைத்துக் கொடுத்த இயக்குனர் டேனி போயலுக்கு நன்றி.

மேலும் தகவல்களுக்கு:

http://www.pcdmusic.com/jaiho/

81-ஆவது ஆஸ்கர் சில நினைவுகள்

Actors Madhur Mittal (bottom) and Dev Patel of Slumdog Millionaire
Child Artists of Slumdog Millionaire

Dev Patel, Madhur Mittal, Freida Pinto, Irrfan Khan and Anil Kapoor

Dev Patel and Freida Pinto at the Red Carpet

Freida Pinto with the Child Artist from Slumdog Millionaire

Best Picture-Slumdog Millionaire,Producer Christian Colson (L) with Steven Spielberg

Best Director-Danny Boyle for Slumdog Millionaire
Best Music Score and Best Song-AR Rahman for Slumdog Millionaire alongside Gulzar

Best Sound Mixing-Ian Tapp, Richard Pryke and Resul Pookutty For Slumdog Millionaire

Best Film Editing-Chris Dickens for Slumdog Millionaire

Best Director of Photography-Anthony Dod Mantle for Slumdog Millionaire

Best Adapted Screenplay-Simon Beaufoy for Slumdog Millionaire

Best Short Documentary-Megan Mylan for Smile Pinky

Best Actress-Kate Winslet for The Reader

ARR
2 Time Academy Award winner Meryl Streep Nominated for Best Actress for the film Doubt

Mickey Rourke,Nominated for Best Actor for The Wrestler

Maria Halle Berry-The only African-American woman to win an Academy (OSCAR)Award-(2001)

Best supporting Actress-Spain's Penelope Cruz for Vicky Cristina Barcelona

Best Actor-Sean Penn for Milk

Best Supporting Actor-An emotional Heath Ledger's Family Receiving the award for DarkKnight

Academy Award Winner(2002) Nicole Kidman

Best Sound Editing-(War of the worlds fame) Richard King for DarkKnight

Daniel Craig

Best Makeup-Greg Cannom for
The Curious Case of Benjamin Button

Brad Pitt and Academy Award winner(2000) Angelina Jolie at the Red Carpet.Angie Nominated for Best Actress for the film Changeling

Musician,Singer,Pianist and 5 Time Grammy winner Alicia Keys

Sean Penn With Best Leading Actress Kate and Best Supporting Actress Penelope

Singer,Musician Beyonce Knowles at the Red Carpet

Best original Screenplay-Dustin Lance Black For Milk

Best Leading Actor Sean Penn with his wife Robin Wright Penn Best Visual Effects Eric Barba, Steve Preeg, Burt Dalton and Craig Barron for
The Curious Case Of Benjamin Button

Bradd Pitt,Nominated for Best Actor for The Curious Case Of Benjamin Button

Musician John Legend who performed Wall-e song along side ARR as Medley

Kate Winslet with Husband

Best Art-Donald Graham Burt (Art Direction); Victor J. Zolfo (Set Decoration) For

The Curious Case Of Benjamin Button

Best Costume Design-Michael O'Connor for The Duchess

நன்றி:oscar yahoo